Jami'an tsaro a Zamfara sun kama dan kungiyar YANSAKAI dauke da kan Dan Adam (Hotuna)


 Jami’an rundunar ‘yan sandan jihar Zamfara sun kama wani mai suna Jabiru Ibrahim, bisa laifin mallakar kan mutum.  

Kakakin rundunar ‘yan sandan jihar, SP Mohammed Shehu, wanda ya bayyana hakan a wata sanarwa a ranar Litinin, 30 ga watan Mayu, ya ce wanda ake zargin dan kungiyar haramtacciyar kungiyar ne da aka fi sani da Yansakai, daga gundumar Dauran a karamar hukumar Zurmi ta jihar. 

PPRO ya ce ‘yan sanda na gudanar da bincike a kan laifin kisan kai da aka yi wa wanda ake zargin bayan ya amsa laifin kashe mutumin da aka samu kansa a hannunsa. 

An kuma samu wata jaka dauke da tarin laya daga hannun wanda ake zargin. 

“Rundunar ‘yan sanda da sojoji da ke yaki da ‘yan fashi da makami a yankin Dauran-Zurmi ne suka kama wanda ake zargin, sannan aka kawo shi hedikwatar ‘yan sanda da ke Gusau domin gudanar da bincike mai zurfi,” in ji sanarwar.

“Bincike na farko da aka gudanar ya nuna cewa wanda ake zargin yana cikin ’ya’yan haramtacciyar kungiyar (YANSAKAI) da ke addabar al’ummar Dauran ta hanyar shari’ar daji, wanda hakan ya kai ga ramuwar gayya daga ‘yan ta’addan a kan mutanen da ba su ji ba ba su gani ba.

“A yayin da ake gudanar da bincike, wanda ake zargin ya amsa cewa, shi da wasu ‘yan kungiyarsa guda uku (3) a halin yanzu sun aiwatar da wani mummunan kisan gilla da aka yi wa wani Bafulatani, daga bisani wanda ake zargin ya cire hannun daman mamacin.

"Bincike ana ci gaba da bincike da nufin kamo abokan huldar sa da aikata laifuka kafin a gurfanar da su a gaban kuliya." 



Previous Post Next Post

Facebook

Latsa nan ka shiga group namu na WhatsApp domin samun Labaran mu kai tsaye

https://chat.whatsapp.com/J8ryqryDtwR9yvxrOOBlJU

Domin zama wakilinmu a garinku LATSA NAN

Korafi ko aiko labari LATSA NAN