An binne gawar Deborah Samuel, daliba mai mataki 200 na Kwalejin Ilimi ta Shehu Shagari, jihar Sokoto, wadda abokan makaranta suka kashe ranar Alhamis 12 ga watan Mayu, cikin hawaye a yau 14 ga watan Mayu.
An yi wa Deborah duka ne har lahira a bisa yin tsokaci a dandalin WhatsApp na makarantarta wanda abokan aikinta Musulmi suka dauka tana zagin Annabi Muhammad (SAW) a tsokacin.
An yi jana'izar ta a garinsu Tungan Magajiya dake karamar hukumar Rijau a jihar Neja.