Da duminsa: Rikici ya kaure da wani matashin soji a Unguwar Zuru, soji sun yi harbi a cikin iska, duba yadda ta faru



Wani rigima ya kaure tsakanin wani matashin soji da wasu matasa a shiyar Unguwar Zuru da ya yi sanadin tayar da kwarya-kwaryar hargitsi da yammacin ranar Juma'a 18 ga watan Maris a garin Zuru da ke kudancin jihar Kebbi. Shafin Jaridar isyaku.com ya samar.

Wani ganau ya ce lamarin ya faru ne bayan wani matashin soji da baya sanye da kayan aiki Wanda yake hutun PASS, ya je Unguwar Zuru inda aka sami rashin jituwa tsakaninsa da wani saurayi.

Ya ce sakamakon haka sai sojin ya kira abokansa soji su biyu basa sanye da kayan aiki suka je Unguwar Zuru suka same shi. Ya yi zargin cewa isar su ke da wuya sai suka fara dukan jama'a , lamari da ya sa matasa suka nuna rashin yardarsu ganin cewa sojin sun tayar da hankalin al-ummar Unguwar.

Ya ce sojin ya tafi Barikin soji da ke garin Zuru, daga bisani suka zo da wata mota kirar Hilux da soji hudu masu kakin aiki wasu na dauke da bindiga. 

Ya ce sojin sun kama wasu matasa a Unguwar Zuru bayan sojin da ya yi sanadin rigimar ya nuna matasan. Daga bisani sojin sun yi kokarin tafiya da matasan da suka kama zuwa Barikinsu, amma jama'a suka nuna cewa wadanda sojin suka kama ba su cikin wadanda suka sami rashin jituwa da sojin domin sun riga sun gudu kafin isowar sojin.

Ya ce ganin cewa jama'a sun kewaye su ne, sai soji suka yi harbe-harbe da bindiga a cikin iska, sakamakon haka jama'a suka watse.

Wata majiya ta shaida mana cewa sojin sun tafi da matasa da suka kama zuwa Barikinsu domin gudanar da bincike, yayin da wasu gungun mata karkashin wata shugaban mata a Unguwar Zuru suka nufi Fadar Mai Martaba Sarkin Zuru domin su kai koke kan abin da ya faru.

Mun samo cewa ba wanda soji suka harba, kazalika ba wanda suka raunata lokacjn samamen. Sai dai wani ganau ya yi zargin cewa sojin da suka zo da farko su biyu da basu da kakin aiki sun barnata dukiyar jama'a .

Yanzu dai komi ya koma daidai kuma jama'a sun ci gaba da gudanar da harkokinsu na yau da kulllum. 

Post a Comment

RUBUTA SHARHI KO RA'AYINKA KAN WANNAN LABARI

Previous Post Next Post

Celebrity Gifts

Facebook

Latsa nan ka shiga group namu na WhatsApp domin samun labarai kai tsaye https://chat.whatsapp.com/EcJXY08Ikrx63mQ7F6TJfL

Domin zama wakilinmu garinku LATSA NAN

Korafi/ Shawara/ Tuntube mu LATSA NAN