Mazauna yankin Agwa clan dake karamar hukumar Oguta, jihar Imo sun shiga jimami biyo bayan kisan gillan da akai wa mataimakin kwamishinan yan sanda mai ritaya kuma lauya, Barista Christian Kpatuma.
The Nation ta tattaro cewa marigayi mataimakin kwamishina (ACP) wanda aka fi sani da "Hippies" ana zargin ya rasa ransa ne a hannun wasu yan kungiyar asiri.
Rahotanni sun nuna cewa yan kungiyar asirin waÉ—an da sanannu ne a yankin Agwa, sun je har cikin gidansa da safiyar Laraba, kuma suka kashe shi.
Wani sanannen mutumi a yankin da abun ya faru, wanda ya nemi a sakaya sunansa, ya roki gwamna Hope Uzodinma, na jihar Imo ya yi duk me yuwu wa wajen hukunta waÉ—an da suka kashe marigayi ACP.
Mutumin yace:
"Ina kira ga mai girma gwamna ya jibge jami'an tsaro a Agwa da nufin su farauto waɗan nan yan ƙungiyar asirin da mutanen da suka ɗauki nauyin su, har sai an hukunta su."
"Mutanen Agwa na rayuwa cikin fargaba, duk da 'ya'yan yankin ne suka kafa Hedkwatar yan sanda (wacce ake alfahari da ita a jihar Imo), kwana uku kacal da ƙaddamar da ita, tare da Yan Bijilanti. Gaskiya ina cikin takaici."
Shin hukumar yan sanda ta samu rahoto?
Kakakin rundunar yan sanda reshen jihar Imo, CSP Michael Abattam, yace ya ji labarin faruwar lamarin, amma har yanzun bai samu bayani a hukumance daga DPO na yankin ba.
"Na ji labarin abin da ya auku, amma ina son samun bayanai a hukumance daga DPO na yamkin, kafin na dawo gare ku."
A wani labarin na daban kuma Ɗan Sarauniya zai ƙara kwana a gidan gyaran hali saboda shari'ar Sheikh Abduljabbar
Kotu ta É—age sauraron karar tsohon kwamishinan ayyuka na Kano, Muazu Magaji saboda ta yi karo da shari'ar Sheikh Abduljabbar.
A halin yanzun an É—age ta ÆŠan sarauniya zuwa 4 ga watan Fabrairu, 2022, yayin ta Malam Abduljabbar zata wakana 3 ga watan Fabrairu.
Source: Legit.ng
================
Daga Jaridar iyaku.com
Reported by ISYAKU.COM
Latsa nan ka shiga Group dinmu na Whatsapp domin samun labaranmu kai tsaye
https://chat.whatsapp.com/G83TOEf1MUmDTiYaMTb02g
Domin aiko labari mu wallafa maka LATSA NAN
Domin zama Wakilinmu a garinku LATSA NAN
Domin Korafi/Tuntubemu LATSA NAN
Shafukan sada zumunta
Twitter twitter.com/isyakulabari
Facebook fFacebook.com/isyakalabari