Dakarun sojin Najeriya sun yi nasarar halaka gagararrun 'yan awaren IPOB/ESN a garin Ihiala da ke jihar Anambra.
'Yan bindigan da suka tsaya tsayin daka wurin tirsasa jama'a su zauna gida dole suna ta ruwan harsasai ne a kusa da wata gidan mai da ke garin Ihiala.
Bayan da dakarun sojin Najeriya suka samu kiran gaggawa, sun gaggauta zuwa wurin domin kwantar da tarzomar. Daga zuwansu kuwa, 'yan bindigan suka bude musu wuta amma zakakuran sojin sun halaka shugabansu Ejike da wasu mutum uku.
Abubuwan da aka samo daga miyagun yayin arangamar sun hada da babur daya, bindigogi biyu, harsasai masu rai guda 12 da kuma wani abu da ake zargin wiwi ne da sauransu.
Cike da takaici, hatsari ya ritsa da wata mota daya ta yaki da ke dauke da dakarun soji sakamakon matsalar da ta samu a titi.
Hafsan soja daya da wani soja sun rasa rayukansu a yayin hatsarin yayin da wasu biyu suka samu rauni. A halin yanzu masu raunin suna asibitin sojoji inda ake kula da su.
Kamar yadda takardar da Birgediya Janar Onyema Nwachukwu ya wallafa a Facebook ta ce, suna fatan gafarar Ubangiji ga mamatan.
Ya yi kira ga jama'a da su cigaba da bai wa sojojin hadin kai da sauran jami'an tsaro ta hanyar samar da bayanai a kan lokaci wanda zai bayar da damar samar da salama da daidaituwa a yankin.
Makiyayin, Muhammad Alarabe alias Ogbodo, ya kai kimanin shekaru 20 ya na kula da shanu, dan kabilar Ibo kafin harbe shi da aka yi a ranar Laraba, 19 ga watan Janairu, 2022.
Hakazalika, maharan sun sheke wasu daga cikin shanun uban gidan Alarabe, Chief Oeter Chukwuani Onyeabor, fitaccen mai sayar da shanu a jihar Enugu, wanda ya gaji kasuwancin daga marigayin mahaifinsa.
Legit
================
Daga Jaridar isyaku.com
Reported by ISYAKU.COM
Latsa nan ka shiga Group dinmu na Whatsapp domin samun labaranmu kai tsaye
https://chat.whatsapp.com/G83TOEf1MUmDTiYaMTb02g
Domin aiko labari mu wallafa maka LATSA NAN
Domin zama Wakilinmu a garinku LATSA NAN
Domin Korafi/Tuntubemu LATSA NAN
Shafukan sada zumunta
Twitter twitter.com/isyakulabari
Facebook Facebook.com/isyakulabari