Hukumar Kula da Makarantun Frimare, SUBEB, ta Jihar Kaduna ta sanar da sallamar wasu malaman firamare 65, kamar yadda Kamfanin dillancin labarai na NANS ya ruwaito.
An ruwaito cewa an dauke su ba bisa ka'ida ba a karamar hukumar Sanga da ke jihar kamar yadda Premium Times ta wallafa.
Jami'in binciken SUBEB, Tandat Kutama, wanda ya rike sakataren kwamitin bincike, ya tabbatar wa da NAN rahoton a Kaduna.
Shugaban hukumar, Charles Danladi, ya sanar da korar malaman ga yan jarida a Gwantu, hedikwatar hukumar.
Danladi ya bayyana cewa an gano abubuwan da basu dace ba a albashin malaman, wanda ke ta hauhawa duk wata ba tare da daukar sabbin ma'aikata ba.
A dalili haka, aka yi korafi.
Ya ce Danladi ne yayi korafin lokacin taron tattaunawa na kwamitin asusun hadin gwiwa a jihar, wanda mataimakiyar gwamna ke jagoranta, kuma aka umarci SUBEB ta binciki lamarin.
"Bayan binciken mu, mu tabbatar da an dauki malamai 65 ba bisa ka'ida ba a yankin.
"An kore su daga aiki gaba daya.
A wani labarin nan daban, Gwamnatin Jihar Kano ta umurci ma'aikatanta a jihar su zauna gida a matsayin wani mataki na dakile yaduwar annobar korona karo na biyu a jihar, Daily Trust ta ruwaito.
Gwamnatin ta kuma bada umurnin rufe dukkan gidajen kallo da na yin taro a jihar sakamakon karuwar adadin masu dauke da kwayar cutar COVID 19 a jihar.
Kwamishinan watsa labarai na jihar, Malam Muhammad Garba ne ya sanar da sabbin dokokin yayin taron manema labarai da ya kira a ranar Talata inda ya ce an dauki matakin ne yayin taron masu ruwa da tsaki da aka yi a ranar Litinin.
Source: legit:
https://chat.whatsapp.com/LKeYYgwzLbW8DdHbjNuEos
Domin aiko labari, shawara ko tuntubarmu
LATSA NAN
SHAFUKANMU NA SADA ZUMUNTA
Facebook.com/isyakulabari