Ana zargin cewa wata matsafiya ta yi wa wata karamar yarinya mai shekara 7 mai suna Juwairiya Auwal yankan rago a cikin wani Bukka a wajen aje namun daji a Jos na jihar Plateau.
Rahotanni sun nuna cewa ranar Asabar 5 ga watan Satumba, wata Bafulatana ta tafi da Juwairiya tare da yayarta Fatima bayan sun fito tallar Tsintsiya a unguwar Tudun OC da ke Rikkos, a karamar hukumar Jos ta Arewa.
Fatima yayar Juwairiya ta ce " Mun hadu da wata mata Bafulatana, sai ta ce mana mu bata tsintsiya kyauta, sai muka ki, sai ta taba kawunanmu, daga nan sai kawai muka gan mu a cikin wani dakin Bukka
Ko da na bude idanuna sai na gan matar tana yanka kanwata Juwairiyya. Sai na gudu domin in nemi taimako. Sai na sami wani mutum yana karanta Jarida, sai na gaya mashi abin da ya faru.
Lokacin da muka dawo, mun tarar cewa tsohuwar ta riga ta gudu, sai mutumin ya je ya shaida wa yansanda sai yansanda suka dauki gawar Juwairiyya suka kai Asibitin kwararru na Jos, an yanka kanwata, amma ba jinin ta a kasa ko a jikinta". inji Fatima yayar Juwairiyya.
Daga karshe, yansanda sun mika gawar Juwairiyya ga iyayenta domin a bizine ta.
https://chat.whatsapp.com/
Domin aiko labari, shawara ko tuntubarmu
LATSA NAN
SHAFUKANMU NA SADA ZUMUNTA
Facebook.com/isyakulabari
Domin samun sassauka, ingattacciya kuma kwakkwarar DATA ta MTN, latsa nan https://chat.whatsapp.com/