Tashin hankali ya barke a Sweden sakamakon kona Alkur'ani

Wasu masu fafutika sun ƙona Al-Kur'ani mai tsarki a garin Malmo na ƙasar Sweden, abin da ya jawo zanga-zanga tare da tashin hankali ranar Asabar.
Kamfanin dillancin labarai na AP ya ruwaito masu zanga-zangar kusan 300 sun cinna wuta a kan tituna tare da jefa abubuwa a kan 'yan sanda a daren Juma'a.

An jikkata 'yan sanda 15 sannan an kama mutum kusan 15.
An ƙona Kur'anin ne da tsakar ranar Juma'a a kusa da wata unguwa ta 'yan cirani da wasu masu tsaurin ra'ayi suka yi sannan suka wallafa bidiyon a intanet, a cewar kamfanin dillancin labarai na TT.
AP ya ce an kama mutum uku bisa zargin haddasa ƙiyayya ga wani rukunin al'umma ta hanyar ƙona Kur'ani - littafin da al'ummar Musulmi ke girmamawa a matsayin mai tsarki
Source: BBC

Latsa nan ka shiga group din mu domin samun Labaran mu ta Whatsapp
https://chat.whatsapp.com/JKBP5KgalYg3iQRBQoFVAE

Domin aiko labari, shawara ko tuntubarmu
LATSA NAN

SHAFUKANMU NA SADA ZUMUNTA

Facebook.com/isyakulabari


Domin samun sassauka, ingattacciya kuma kwakkwarar DATA ta MTN, latsa nan https://chat.whatsapp.com/L4xvcwRGM496Eep5J53zXt


Previous Post Next Post