• Labaran yau


    Da dumi dumi: An kama wani shugaban jam'iyan APC yana yi wa yara yan mata 2 fyade

    Rundunar yansandan jihar Nassarawa ta kama wani dan siyasa mai suna Christopher Ogah bayan an yi zargin kama shi yana yi wa yara yan mata biyu fyade a gidansa da ke karamar hukumar Obi a jihar ta Nassarawa.

    An kama Christopher wanda shi ne Ciyaman na jam'iyar APC a Mazabar Obi dumu dumu yana yi wa yaran yan shekara 12 da 13 fyade a gidansa.

    Daily Trust ta ruwaito cewa Christopher ya rudi yaran ne suka shiga dakinsa bayan sun je diban ruwa a gidansa.

    Shugaban karamar hukumar Obi  Alhaji Mohammad Oyimoga Oyigye ya tabbatar da faruwar lamarin, ya kuma ce da kansa ne ya ceci rayuwar Christopher bayan fusatattun matasa sun afka masa da duka.

    Ya ce an mika wanda ake tuhumar ga yansanda kuma suka garzaya zuwa Lafiya babban birnin jihar da shi bisa dalilan tsaro.

    Haka zalika Kwamishinan yansandan jihara Nassarawa Mr Bola Longe ya tabbatar da faruwar lamarin.


    Latsa nan ka shiga group din mu domin samun Labaran mu ta Whatsapp
    https://chat.whatsapp.com/CSYKJgAmLEF4s1dle0Ug6J

    Domin aiko labari, shawara ko tuntubarmu
    LATSA NAN

    SHAFUKANMU NA SADA ZUMUNTA

    Facebook.com/isyakulabari



    • Facebook Comments
    Item Reviewed: Da dumi dumi: An kama wani shugaban jam'iyan APC yana yi wa yara yan mata 2 fyade Rating: 5 Reviewed By: -
    Koma Sama