Yana da muhimmancin gaske a bar waɗanda shekarunsu suka miƙa su ci gaba da ayyukan gida da ba su da haɗari, kamar wanki, wanke-wanke, share-share, goge-goge, tattaki da dai sauransu.
Idan ma son samu ne, bayan ayyukan gida ana so su ɗinga yin atisaye da ba zai gaza na minitina 30 kullum ba. Irin atisayen da suke buƙata sune:
i. atisayen bunƙasa / inganta aikin zuciya, jijiyoyin jini, huhu da ma garkuwar jiki gaba ɗaya.
ii. atisayen ƙarfafa tsokokin jiki da ƙara kuzari.
iii. atisayen bunƙasa daidaiton jiki.
Duk waÉ—annan atisaye za su temaka wajen rage haÉ—arin kamuwa da ciwon siga, hawan jini, ciwon daji kansa da sauran cutukan da kan zo yayin tsufa kamar matsalolin rashin bacci, damuwa, ruÉ—ewa, gigi da larurar kyarma.
Haka nan, atisaye zai temaka wajen rage afkuwar babbar matsalar nan ta faɗuwa ga tsofi, wannan matsala ce da kan haifar da haɗura kamar rauni, targaɗe, gocewar gaɓa, wani lokacin ma har da karaya.
Har wa yau, kasancewarsu cike da ƙwarin jiki da kuzari zai sake rage haɗuran faɗawa cikin haɗura kamar ƙunan wuta, kaɗewar abun hawa da sauransu.
Saboda haka, tsugunar da tsofi a gida ba tare da motsa jiki / atisaye ba na da haÉ—arin karya garkuwar jikinsu, dalilin da ya sa cutuka kamar cutar korona ke saurin lashe rayukansu.
https://chat.whatsapp.com/CSYKJgAmLEF4s1dle0Ug6J
Domin aiko labari, shawara ko tuntubarmu
LATSA NAN
SHAFUKANMU NA SADA ZUMUNTA
Facebook.com/isyakulabari
RUBUTA SHARHI KO RA'AYINKA KAN WANNAN LABARI