Kashe bakar fata ya jawo kone ofishin yansanda da zanga zanga a biranen Amurka

Fusatattun masu zanga zanga a Minneapolis na kasar Amurka sun banka wa ofishin yansanda na Precinct wuta yayin da tashin hankali da zanga zanga ya barke a wasu manyan birane na kasar ta Amurka bayan wani dansanda farar fata ya kashe wani bakin fata mai suna George Floyd ranar Litinin.

An ga taron fusatattun jama'a suna cinna wa ababen kyalkyali masu fashewa wuta, lamari da ya kai ga kone ofishin yansanda a Precinct.

Fox News ta ruwaito cewa masu zanga zangan sun shiga ofishin yansanda na Precinct da karfe 10 na dare, yansanda da aka girka su a kan rufin ofishin yansandan sun yi kokarin tarwatsa masu zanga zangan da iya abin da za su iya yi, amma masu zanga zanga suka shiga cikin ginin ofishin kuma suka banka masa wuta.

DAGA ISYAKU.COM
Latsa nan ka shiga group din mu domin samun Labaran mu ta Whatsapp
https://chat.whatsapp.com/JC5tMMqXxKR6qWjM98ZwLA

Domin aiko labari, shawara ko tuntubarmu
LATSA NAN

SHAFUKANMU NA SADA ZUMUNTA

Facebook.com/isyakulabari

Twitter.com/isyakulabari