Sanata mai wakiltan yankin Delta ta tsakiya, Ovie Omo-Agege,
ya sha alwashin cewa shi da sauran sanatocin jam’iyyar All Progressives
Congress (APC), zasu tabbatar da cewar an dakatar da shugaban majalisar dattawa
kuma sanata mai wakiltan Kwara ta tsakiya, Dr BuklaSaraki daa kujerarsa sannan
su fatattake shi daga majalisar dattawa.
Sanata Omo-Agege ya kuma zargi Saraki da shirya makirci don
tsige Shugaba Muhammadu Buhari inda ya kara da cewa indai har shi da sauran
sanatocin APC na majalisar dattawa, baza’a yi nasara ba a duk wani yunkuri na
tsigeBuhari. Ya bayyana hakan a Sapele, jihar Delta lokacin day a ai ziyarar
zanawa da shugabanni, dattawa da kuma shugabannin kananan hukumomi na APC a
yankin Delta na tsakiya a kokarin shin a sake neman goyon bayansu a zabe mai
zuwa.
A wai lamari na daban, mun ji cewa yan takara a karkashin
jam’iyyar APC na ci gaba da nuna dari-dari da shuwagabannin jam’iyyar, biyo
bayan tsadar kudin tikitin tsayawa takara da jam’iyyar ta sanar. Rahotannin da
NAIJ.com ta tattara a Abuja, a ranar asabar, na nuni da cewa yan takara a
jam’iyyar, da suka nuna sha’awar tsayawa takara a matakin gwamna, majalisun
dokoki na kasa da ma shugaban kasa, na bayyana damuwarsu bisa tsadar da tikitin
yayi. Rahotanni sun bayyana cewa yan takarar sun bukaci da a rage kudaden da
aka sanya.
A baya bayan nan ne dai kwamitin gudanarwa na jam’iyyar ta
APC, ya fitar da kudin tikitin tsayawa takarar shugaban kasa akan Naira Miliyan
55, wanda ya haura Naira Miliyan 12 da jam’iyyar PDP ta sanyawa nata.
Latsa nan ka shiga group din mu domin samun Labaran mu ta Whatsapp >>> whatsapp://chat?code=41x2TuRqdVQ9PrcrucqpTu Shiga cikakken shafin mu kai tsaye www.isyaku.com Tuntube mu ta SMS ko TEXT kawai zuwa 08087645001 ba mu amsa kira
Hausa.naij.ng
Tags:
LABARI