Kungiyar kwallon kafa ta Liverpool
ta tashi tsaye kan batun neman Oxlade-Chamberlain, wanda ake ganin ya fi
son ya koma Chelsea, kamar yadda jaridar Sunday Mirror ta ruwaito.
Liverpool ta ba Barcelona wa'adin ranar Litinin kan ta fadi kudin da za ta sayi Philippe Coutinho, kamar yadda jaridar Onda Cero ta bayyana.
Everton tana zawarcin dan wasan Leicester City Jamie Vardy a kan fam miliyan 40, sai dai dan wasan ya son komawa Chelsea ne, a cewar jaridar Sunday Mirror.
Arsenal za ta sayar da Kieran Gibbs da Alex Oxlade-Chamberlain da Lucas Perez da Shkodran Mustafi kafin rufe kasuwar saye da sayar da 'yan wasan Turai, kamar yadda jaridar Sunday Telegraph ta wallafa.
Kungiyar Juventus tana zawarcin dan wasan tsakiyar Barcelona, Andre Gomes, kamar yadda jaridar Marca ta ruwaito.
Kocin Arsenal Arsene Wenger ya ce bai fidda rai kan sayen Thomas Lemar daga Monaco da kuma Virgil van Dijk na Southampton ba, in ji jaridar Sun.
Paris St-Germain ta tashi tsaye kan zawarcin Kylian Mbappe a farashin fam miliyan 166 kafin ranar Alhamis, sai dai Monaco ta fi so ta sayar da dan kwallon ga Real Madrid, kamar yadda Sunday Telegraph ta ce
Shafin mu na Facebook https://www.facebook.com/isyakuweb Don samun labaranmu ta Whatsapp ka rubuto YES a Whatsapp zuwa 08062543120. Don aiko Labari ko korafi ka tuntube mu a 08062543120. Shiga www.isyaku.com Don samun cikakken shafinmu.
Daga shafin BBC