An tsinci gawar wata daliba mai mataki 100 a Jami’ar Tarayya ta Oye Ekiti (FUOYE), mai suna Atanda Modupe Deborah, kwanaki biyu bayan ta bata.
An tattaro cewa dalibar Sashen Nursing, stream A, Faculty of Basic Medical Science, ta bace bayan ta tafi karatu a aji a daren Litinin, 4 ga Satumba, 2023.
Abokan zamanta sun bayyana bacewarta lokacin da bata dawo daga karatun dare ba
An tsinci gawar ta binne a wani kabari mara zurfi a bayan jami’ar, kuma an kwakwale idanunta a ranar Laraba, 6 ga watan Satumba.
Da yake mayar da martani kan wannan lamari a wata sanarwa da ya fitar a yammacin Larabar, magatakardar Jami’ar, Mufutau Ibrahim, ya umarci dukkan daliban da su fice daga harabar jami’ar.
Hukumar jami’ar ta ci gaba da cewa, an gaggauta tura jami’an tsaro dauke da makamai domin yin sintiri, sa ido da kuma tsaro, kuma an kama wasu da dama.
Published by isyaku.com