_1690493234.jpeg)
Magoya bayan juyin mulkin sojoji a Nijar sun kai hari kan shalkwatar hamɓararren shugaban ƙasar, inda suka cinna wuta tare da jifa da ƙona motocin da ke gaban ginin. Rahotun BBC Hausa.
Rukunin masu cinna wutar sun ɓalle ne daga cikin wasu ɗumbin mutanen da suka yi dandazo a gaban ginin majalisar dokokin ƙasar don nuna goyon baya ga sojoji masu juyin mulki, inda aka ga wasu na ɗaga tutocin Rasha.
Rundunar sojojin ƙasar a yanzu ta mara baya ga dakarun da suka ƙwace mulki kuma suke tsare da Shugaba Mohamed Bazoum tun ranar Laraba.
Rasha ta bi sahun sauran ƙasashen duniya da Majalisar Ɗinkin Duniya wajen kira a saki Bazoum.
Mai shekara 64, wanda aka zaɓa a matsayin shugaban Nijar shekara biyu da ta wuce, babban abokin ƙawance ne ga Ƙasashen Yamma a yaƙin da suke yi da masu iƙirarin jihadi a Afirka ta Yamma.
Amurka da Faransa, tsohuwar uwargijiyar mulkin mallakar Nijar, duka suna da sansanonin sojoji a ƙasar mai arziƙin yuraniyam kuma sun yi Allah-wadai da juyin mulkin.
Sakataren wajen Amurka Anthony Blinken ya zanta da Bazoum inda ya yi masa alƙawarin "cikakken goyon bayan" gwamnatin Amurka
Shugaban Jamhuriyar Nijar ɗin wanda sojoji suka hamɓarar da gwamnatinsa a ranar Laraba, ya wallafa wani saƙo a shafinsa na tuwita da ke nuna alamun turjiya.
Lamurra sun sauya ne a Nijar bayan da sojoji masu gadin fadar gwamnati suka yi garkuwa da Bazoum.
Ministan harkokin waje na Bazoum ya ce juyin mulkin bai samu goyon bayan sauran sojojin ƙasar ba, to sai dai babban hafsan sojin ƙasar ya sanar da cewa suna goyon bayan masu juyin mulkin.
Niger Coup; Citizens attacking politicians. pic.twitter.com/BMMW415RKP
— Zagazola (@ZagazOlaMakama) July 27, 2023
#Niger: unfortunate scenes of coup supporters set on fire and destroyed vehicles outside Bazoum’s political party PNDS-Tarayya office. pic.twitter.com/ZmZzjyVbDF
— Rida Lyammouri (@rmaghrebi) July 27, 2023
🇳🇪#Niger #Niamey the local population is attcking the former administration ministries and setting them on fire. The yesterday’s coup which unfolded peacefully today turn to ransack and distruction. Military junta supported by external forces and regional assistance. pic.twitter.com/q4GLX39kSp
— Gabrian (@511ZGS) July 27, 2023
Published by isyaku.com