Ta faru: Wani mutum ya yanke jiki ya fadi ya mutu a banki bayan ya kwashe sa’o’i da dama yana jiran ya cire kudi

 

Wani mutum da har yanzu ba a tantance ba, ana zargin ya ya yanke jikiya fadi ya mutu a wani banki da ke Agbor a jihar Delta bayan ya jira sa’o’i da dama don ya cire kudi.

 

Lamarin ya faru ne a cikin dakin ajiyar banki da yammacin ranar Alhamis, 2 ga Fabrairu, 2023.

 Jaridar Ika Weekly da wasu shaidun gani da ido sun tabbatar da faruwar lamarin a shafin Facebook.

Wani Omole Mike, ya raba hoton marigayin kuma ya rubuta;  "Yanzu haka, da misalin karfe 1:30 na rana.  Wani ya fadi ya mutu a bankin First Bank of Nigeria, Agbor Branch.  Rana: 02-02-2023.  Allah Ya Jikansa da Rahma".  Ya rubuta.