Wata kotun kula da zirga-zirgar ababen hawa a birnin Nairobi ta tsare wata mata da ta yi shaye-shaye kuma ta buge da barci a lokacin da ake shari'a.
An gurfanar da Sharon Oparanya a gaban mai shari’a Martha Nanzushi a safiyar ranar Alhamis, 22 ga watan Satumba, domin amsa laifin tuki cikin maye.
Sai dai kuma ta kwanta a kan benci ta fara barci daga bisani ta fara hansari da karfi.
"Dakata! Me ya sa take huci a kotu, wani ne ke kwana a kotuna?" Alkali ya fada.
A martanin da jami'in kotu ya bayar, ya ce Oparanya ta bugu da barasa ne, shi ya sa take barci a kotu.
Biyo bayan dagula lamarin, alkalin kotun ya umarci a tsare Oparanya a gidan yarin mata na Lang'ata har zuwa ranar Juma'a inda za ta amsa tuhumar da ake mata.