An kori karar da tsohon gwamnan jihar Zamfara, Bello Matawalle ya shigar kan mallakar motoci sama da 50 da aka ce na gwamnatin jihar ne.
Matawalle ya shigar da karar ne biyo bayan wani samame da aka kai a gidansa da aka kwato motocin, ya yi ikirarin mallakar motocin da ake zarginsa da karkatar da su kafin mika mulki a ranar 29 ga Mayu, 2023.
Da yake tabbatar da cewa an yi watsi da karar, mai magana da yawun gwamnan jihar Zamfara, Sulaiman Bala Idris, ya bayyana cewa tsohon gwamnan da ‘yan majalisarsa sun yi awon gaba da wasu manyan motocin jami’an gwamnatin jihar, “ ya ce.
Sanarwar ta ce;
“Ku tuna cewa a watan Yuni ne gwamnatin jihar Zamfara ta baiwa tsohon gwamnan da mataimakinsa wa'adin kwanakin aiki biyar su dawo da duk motocin da gwamnati ta kwace.
“Dukkan bukatar dawo da wadannan motocin da aka ce sun yi watsi da su, don haka ne gwamnatin jihar Zamfara ta bi umarnin kotu na karbo su. A ci gaba da bin wannan umarni, ‘yan sanda sun kwato adadin motoci sama da 50.
“Bayan an kwato motocin, Bello Matawalle ya garzaya babban kotun tarayya da ke Gusau cikin gaggawa. Kotu ta bada umarnin a mayar masa da motocin. Bugu da kari, ya shigar da kara na daban a wannan kotun, yana neman a tabbatar masa da hakkinsa na mallakar kadarori, ciki har da motocin da ake magana a kai.
“Gwamnatin jihar Zamfara ta bukaci a mayar da shari’ar zuwa wani hurumin babbar kotun tarayya. Babbar kotun tarayya da ke zamanta a Sokoto, ta yi watsi da batun a ranar Juma’a. Kotun dai ta ki amincewa da bukatar da Bello Matawalle ya nema, ta kuma yi watsi da ikirarinsa na mallakar motocin. Don haka har yanzu ana daukar motocin mallakin gwamnatin jihar Zamfara.
“Gwamnatinmu ta kuduri aniyar kwato duk wani abin da ya dace na jama’a ta hanyar aikin ceto ba tare da wata tangarda ba.
“Hukuncin da babbar kotun tarayya ta yanke, zai kara mana kwarin gwiwar tabbatar da cewa an hukunta duk wadanda suka aikata laifin ta’addanci a Zamfara.”
From ISYAKU.COM