Illustrative picture |
Wata mota dauke da jami'an 'yan sanda zuwa wurin aiki wacce ta taso daga hedkwatar 'yan sanda SCID a jihar Kebbi ta samu hatsarin da ya yi sanadin mutuwar wani Sufeto na 'yan sanda.
A wata sanarwa da Kakakin rundunar ‘yan sandan jihar Kebbi SP Nafiu Abubakar ya fitar, ya ce hatsarin ya afku ne a sakamakon fashewar taya.
“An samu mummunan hatsarin mota daya tilo a hanyar Koko/Jega, wanda ya hada da motar ‘yan sanda ta Toyota Land Cruiser mai lamba REG. 5465D, dauke da tawagar ‘yan sanda karkashin jagorancin AC CID na rundunar ‘yan sandan jihar Kebbi, ACP Suleiman Sade da wasu mutane tara.
A yayin da suke kan hanyarsu ta zuwa ziyarar wani wurin da aka aikata laifi a kauyen Kendawa, gundumar Dutsinmari a karamar hukumar Koko/Besse.
Lokacin da suka isa yankin NNPC a garin Koko, É—aya daga cikin tayoyin motar ya fashe kuma motar ta mirgina sau uku a cikin daji da ke kusa.
Nan take tawagar ‘yan sanda daga sashin Koko suka ziyarci inda lamarin ya faru, inda aka kwashe wadanda lamarin ya rutsa da su zuwa Babban Asibitin Koko domin samun kulawa, inda wani Sufeto Sa’idu Idiya na SCID ya mutu kamar yadda wani Likita ya tabbatar.