Jihar Kuros Riba ta sami rahoton laifuka 586 na cin zarafin mata tsakanin watan Janairu zuwa Oktoba, kwamishinan harkokin mata, Misis Edema Irom, ta ce a Calabar ranar Asabar.
Ta fadawa wani taron manema labarai da aka shirya don fara kwanaki 16 na fafutuka a kan GBV cewa adadin ya wakilci kararraki ne kawai da aka bayar da rahoton ga gwamnati a hukumance. PM News ta rahoto.
Irom ta ce ma’aikatar ta tanada tsare-tsare a kananan hukumomi 18 na jihar tare da hadin gwiwar kungiyoyi masu zaman kansu domin kai rahoton matsalolin da suka shafi GBV a cikin lokaci don magance matsalar.
“Muna da Kungiyar Ayyuka ta Fasaha tare da membobin da aka zabo daga ma’aikatar da kuma kungiyoyi masu zaman kansu don nemo hanyar magance matsalar.
Ta ce "TWG na taruwa a kowane wata don yin bitar kokarin da aka yi don magance matsalar," in ji ta.
Ta bayyana cewa shirin na kwanaki 16 da aka gudanar da nufin wayar da kan jama’a game da wannan barazana da kuma karrama wadanda suka yi fafatuka tare da sadaukar da rayukansu don kawo karshen cin zarafin mata da ‘yan mata a duniya.
Kwanaki 16 na Fadakarwa, taro ne na shekara-shekara wanda zai fara daga ranar 25 ga Nuwamba kuma ya ƙare a ranar 10 ga Disamba.
From ISYAKU.COM