Dakarun Sojoji Sun Tono Bama-Bamai a Wurin da Bam Ya Halaka Rayuka Sama da 1,000 a Najeriya


Hukumar sojin Najeriya ta ƙara tono ababen fashewa a wurin da Bam ya tashi shekaru 21 da watanni tara da suka gabata a Ikeja, babban birnin jihar Legas.

Hukumar sojin ƙasa ta Najerriya ce ta tabbatar da haka a wata sanarwa da ta wallafa a shafinta naanhajar X wanda aka fi sani da Twitter a kwanakin baya. Legit Hausa ya wallafa.

Tashin bama-baman wanda ya auku ranar 27 ga watan Janairu, 2002 a sansanin sojoji da ke Ikeja, ana kyautata zaton ya halaka mutane aƙalla 1,100 yayin da wasu sama da 20,000 suka rasa mahallansu.

Bayan haka tashin Bama-baman ya jikkata dubbannin mutane tare da jefa wazu da dama cikin halin kaƙanikayi.

An ce Bama-bamai da wasu ababen fashewa sun tashi ne bisa kuskure a cikin sashin ajiye makamai na barikin sojoji sama da shekaru 21 da suka wuce.

Fashewar wadda ta yi kara kusan sau bakwai, cikin kwanaki biyu, ta yi sanadin lalata dukiyoyi a yankin da kewaye. Lamarin da ba a taba ganin irinsa ba a tarihi.

Da yake jawabi a Legas ranar Talata yayin kaddamar da shirin tsaftace wurin, babban Hafsan Sojojin ƙasa (COAS), Laftanar-Janar Tajudeen Lagbaja, ya ce a karshe rundunar aikin kwashe abinda ya rage.

COAS ya bayyana cewa rundunar soji ta fara jigilar sauran bama-bamai da ababen fashewar da ba su fashe ba a wancan lokacin zuwa daya daga cikin sansanonin ta da ke Ajilete, jihar Ogun.

Ya ce aikin share da tsaftace wurin na farko da aka yi a shekarar 2002 ya ƙara tabbatar da tsaro da kwanciyar hankali a yankin Ikeja da kewaye.

Lagbaja ya ƙara da cewa sun gano wasu bama-bamai da ba su fashe ba a wurin da ibtila'in ya faru kuma hakan ne ya nuna akwai buƙatar sake tsaftace wurin a yanzu.

"Ina ƙara tabbatar wa yan Najeriya musamman mazauna Legas da Ogun cewa za a gudanar da wannan aiki cikin ƙwarewa da kuma taka tsantsan da bin matakan da ya dace."

Post a Comment

RUBUTA SHARHI KO RA'AYINKA KAN WANNAN LABARI

Previous Post Next Post

Celebrity Gifts

Facebook

Latsa nan ka shiga group namu na WhatsApp domin samun labarai kai tsaye https://chat.whatsapp.com/EcJXY08Ikrx63mQ7F6TJfL

Domin zama wakilinmu garinku LATSA NAN

Korafi/ Shawara/ Tuntube mu LATSA NAN