Ma’aikatan kamfanin Rarraba Wutar Lantarki ta Eko (EKEDC) guda biyu ne suka mutu sakamakon wutar lantarki a jihar Legas.
Kakakin Rundunar ’Yan sandan Jihar, SP Benjamin Hundeyin, wanda ya tabbatar da rahoton a ranar Lahadi, 21 ga Mayu, 2023, ya ce lamarin ya faru ne a unguwar Obalande da ke tsibirin Legas.
Hundeyin ya ce an kai rahotun lamarin ga rundunar a ranar Asabar, 20 ga watan Mayu da karfe 5.55 na yamma. da wani ma'aikacin EKEDC daga Lagos Island.
Ya ce ma’aikacin EKEDC ya ruwaito cewa, a ranar Asabar daya daga cikin abokan aikinsa, mai suna Umaru, mai shekaru 51, wutar lantarki ya halaka shi a lokacin da yake tono inda ya gano wata na’urar taransifoma da ta lalace a unguwar P&T Obalende.
“A cikin haka, wani abokin aikinsa mai suna Sunday Awaruwa, mai shekaru 48, wanda ya yi kokarin ceto wanda abin ya shafa, shi ma wutar lantarki ya halaka shi,” in ji PPRO.
“Bisa rahoton, jami’an ‘yan sanda sun ziyarci inda lamarin ya faru tare da daukar hotuna, inda suka dauko wadanda lamarin ya rutsa da su, sannan aka garzaya da su babban asibitin Legas Island, inda likitan da ke bakin aiki ya tabbatar da mutuwarsu.
Ya kara da cewa "An ajiye gawarwakinsu a dakin ajiye gawa na IDH da ke Yaba domin a tantance gawarwakinsu.
BY isyaku.com