Ta kara kwabe wa Tinubu yayin da Atiku ya ce ya gano babban sirri da zai kara jagula lissafin dan takarar APC a 2023, ya lissafta wasu...
Dan takarar shugaban kasa a jam’iyyar PDP, Abubakar Atiku, ya roki mai rike da tutar jam’iyyar APC, Asiwaju Bola Ahmed Tinubu, da kada ya zargi shugaban kasa Muhammadu Buhari kan matsalolin siyasarsa. Jaridar vanguard ya ruwaito.
Idan za a tuna a kwanakin baya Tinubu ya yi zargin shirin ‘yan adawa na murde masa
damar yin nasara a zaben 2023 ta hanyar karancin man fetur da kuma sake fasalin Naira.
Mataimaki na musamman kan harkokin hulda da jama’a ga Atiku, Phrank Shaibu, a wata sanarwa da ya raba wa wakilinmu, a ranar Laraba, a Abuja, ya ce ikirari na Tinubu alamu ne na takaici, musamman kan gazawar sa na dakatar da manufofin rashin kudi da sake fasalin kudin kasar. Babban bankin Najeriya, CBN, zai dakile sayen kuri’u tare da kara sahihancin zaben watan gobe.
Ya kuma ce koken da Tinubu ya yi tun farko alamu ne na cewa ya fara kukan rashin nasara da ya yi.
Shaibu ya ce: “Duk da cewa tsarin na CBN ya shafi dukkanin jam’iyyun siyasa 18, Tinubu ne kadai abin takaici saboda shirinsa na tura motocin bassuka da cin hanci ga talakawa masu zabe da jami’an tsaro a ranar zabe ya ci tura.
“Ku tuna cewa a jajibirin zaben shugaban kasa na 2019, an dauki hoton wasu motoci guda biyu dauke da kudi suna shiga harabar Tinubu dake kan titin Bourdillon 26, Ikoyi. An rubuta koke da dama ga Hukumar Yaki da yi wa Tattalin Arzikin Kasa Ta’annati (EFCC) amma ba a yi komai ba.
“Har ila yau, cikin takaicin rashin amincewar shugaban kasa Muhammadu Buhari na halartar wasu tarukansa na rashin kunya, Tinubu ya kaddamar da hari kan shugaban kasa wanda ya zama ministan man fetur.
“Dan takarar jam’iyyar APC mai cike da takaici ya ce, “Kuna tara man fetur kuna tara naira. Duk da haka, za mu yi zabe, kuma za mu ci wannan zaben.
"Ko kun canza tawada naira ko ku kashe kudi har sai an ci bashi, al'amura ba za su kasance kamar yadda kuke fata ba, mu ne za mu ci zabe, kuma abokan hamayyarmu za su gaza."
“Abin dariya ne cewa Tinubu yana tsokaci ne kawai kan matsalar karancin man fetur da ta faro a sassan kasar nan tun daga watan Fabrairun 2022. A Legas, inda Tinubu ke ikirarin cewa shi ne mai gidan, jihar ta rika samun layukan man fetur tun watan Nuwamban bara. Don haka akwai shakku ga Tinubu ya yi kokarin fitar da kansa daga gazawar jam’iyyarsa domin saura kwanaki 30 zabe".