Kasar Iran ta rataye wasu mutane biyu a wuya har Lahira, duba dalili


An zargi wasu mutane biyu, masu suna Karami da Hosseini da kashe wani mutum mai suna Ajamian a ranar 3 ga watan Nuwamba a lokacin da aka gudanar da zanga-zanga a birnin Karaj da ke kusa da birnin Tehran. Jaridar vanguard ta wallafa. Shafin isyaku.com ya samo.

Hotunan bidiyo da ke yawo a shafukan sada zumunta a ranar sun nuna wata babbar hanya da jama'a da Ajamian suka rufe, sanye da rigar Basij, kwance baya motsi.

A cewar ma’aikatar shari’a, an kama mutane 16 da ake zargi da kashe shi, yayin da Karami da Hosseini suka kasance manyan wadanda ake zargi.

Ma’aikatar shari’a ta nuna faifan bidiyo daga zaman kotun, inda Karami ya ce ya bugi Ajamian da dutse a kai kuma Hosseini ya shaida wa alkali cewa ya caka masa wuka sau da yawa.

Bayan Kotu ta kama su da laifi, an rataye su ranar Asabar, lamari da ya kawo adadin kisa yan zanga-zangar zuwa hudu.  Hukuncin kisa na baya-bayan nan ya zo ne a daidai lokacin da ake zargin an tilasta wa mutanen yin ikirari.

An yi babban zanga-zanga a Iran kwana guda bayan mutuwar wata ‘yar Kurdawa ‘yar shekaru 22, Mahsa Amini, wacce ta mutu a hannun ‘yan sanda a ranar 16 ga watan Satumba.

Jami’an ‘yan sandan da’a sun kama Amini tare da tsare ta saboda saba ka’idojin shigar tufafin mata a kasar.

Previous Post Next Post

Information

Facebook

Latsa nan ka shiga group namu na WhatsApp domin samun Labaran mu kai tsaye

https://chat.whatsapp.com/J8ryqryDtwR9yvxrOOBlJU

Domin zama wakilinmu a garinku LATSA NAN

Korafi ko aiko labari LATSA NAN