Yusuf Ibrahim mai sayar da kifi ya yafe wa tunkiya da ta cinye kifi yan sanda sun saki tunkiyar bayan sun tsare ta a ofis
Malam Yusuf Ibrahim, mai sayar da soyayyen kifi wanda ya haifar da cece-ku-ce ta hanyar damke wata tunkiya da ‘yan sanda suka tsare a birnin Maiduguri na jihar Borno, ya gafarta wa tunkiya da ta aikata laifin. Tuni dai hedikwatar ‘yan sanda reshen Bulabulin ta sake tunkiyar saboda wani sulhu da aka yi.
Mai siyar da kifi ya koka da kakkausar murya kan cewa tunkiya Luba Mohammed na unguwar Bulabulin ta jawo masa hasara ta hanyar kai masa hari tare da cin soyayyen kifi sama da shekaru biyar.
Samamen da aka kai jiya, ya ce babba ne kuma ba zai iya mantawa da shi ba. A dalilin haka ne ‘yan sanda suka kama tunkiyar tare da tsare ta a jiya.
Yusuf ya tabbatar wa da manema labarai cewa dattawan yankin sun yi nasarar yi masa magana kan ya yafe laifin da aka yi masa. Mai ragon, Luba Mohammed ta tara dattawan al’umma domin su yi roko.
Mai sayar da kifi ya ce ya ba da sharudda cewa kada abin da ya faru ya maimaita kansa. Kuma idan aka sake maimaitawa, an amince zai kai ga daukar matakin shari'a don gyara.