Yadda wata uwa ta dinga caka wa jaririyar da ta haifa almakashi nan take har Lahira duba dalili
Wata babbar kotun Mpumalanga a Afirka ta Kudu ta yanke wa wata mata, Phindile Sibiya, daurin shekaru 22 a gidan yari kai tsaye bayan ta kama ta da laifin kashe jaririyarta.
Matar mai shekaru 26 daga Belfast, a gundumar Bushbuckridge, an yanke mata hukuncin ne a ranar Laraba, 9 ga watan Nuwamba, bayan da ta amsa laifinta na kashe jaririyarta da gangan tare da binne ta a wani kabari mara zurfi.
Sibiya ta shaida wa kotun cewa a shekarar 2021 ta hadu da wani mutum da ya ziyarci gidanta da ke Belfast Trust.
Mutumin ya nemi soyayyarta, kuma ta amince da bukatarsa kamar yadda ya yi alkawarin zai aure ta nan gaba.
A haduwarsu ta biyu, sun yi jima'i kuma ta samu ciki. Da ta fahimci cewa tana da ciki, sai ta yi ƙoƙarin kiran saurayinta, don ta sanar da shi halin da ake ciki amma wayarsa ba ta aiki har sai da mahaifiyarta ta fahimci cewa tana da ciki. Lokacin da mahaifiyarta ta fuskance ta, ta musanta hakan duk da sanin cewa lallai tana da ciki.
Mahaifiyar ta yi mata barazanar cewa idan gaskiya tana da ciki, za ta kore ta daga gidan, kasancewar tana da yara kanana guda biyu daga uba daban-daban wadanda ba sa tallafa wa yaran saboda an same su ne ba tare da aure ba.
Daga nan sai ta yanke shawarar zuwa asibiti domin a zubar da cikin amma abin ya ci tura domin tana matakin karshe na ciki.
Daga nan ta rufa wa kanta asiri har zuwa ranar haihuwa wato 01/1/2022, bayan ta fara jin ciwon nakuda ta shiga toilet sau biyu ana fitar da fitsari a karo na uku sannan ta dauki almakashi ta tafi ban daki da shi.
A hanyarta ta zuwa toilet ta durkusa ta haifi 'ya mace wanda nan take ta dinga caka mata almakashi har ta mutu.
Da safe mahaifiyarta ta lura da tabon jini kuma da aka tambaye ta, wanda ake zargin ta amsa cewa ta haihu kuma ta boye jaririyar.
Daga nan sai ta je dauko gawar marigayiyar kuma an kai rahoton lamarin ga ‘yan sanda don haka Kotu ta yanke mata hukuncin kisa.