Lantarki ya kashe wani saurayi bayan ya je satar wayar wuta a transfoma, duba yadda ta faru

Lantarki ya kashe wani saurayi bayan ya je satar wayar wuta a transfoma, duba yadda ta faru

Lantarki ya kashe wani saurayi yayin da aka kama wasu mutane hudu da laifin lalata kayan aikin Rarraba Wutar Lantarki ta Jos Plc.  (JED) a Filato da Bauchi.

Dr Adakole Elijah, Shugaban Kamfanin Sadarwa na Kamfanin ne ya sanar da hakan a cikin wata sanarwa ga manema labarai ranar Alhamis a Jos.

“An ce wanda ake zargin ya je transfoma wutar lantarki domin ya yi sata sai lantarki ya kama shi a lokacin da yake lalata na’urar taransifoma sakamakon haka ya mutu nan take.

“An kai rahoton lamarin a ofishin ‘yan sanda na Kanke inda wasu jami’an tsaro suka zo suka kwashe gawar domin bincike.

“A halin da ake ciki kuma, jama’a sun kama wasu mutane hudu da ake zargi da hannu a cikin al’ummomi daban-daban a jihar Bauchi a lokacin da suke lalata mana kayayyakinmu na wutar lantarki,” inji Iliya.

Iliya ya ce an mika wadanda ake zargin ‘yan shekara 18 zuwa 22 ne ga hukumomin tsaro domin gurfanar da su gaban kuliya.

Ya ce an kama wadanda ake zargin ne bayan sun yi nasarar yanke igiyoyin sulke mai girman 150mm hudu na wutar lantarki.

Manajan Darakta na JED, Mista Abdu Mohammed, wanda ya bayyana faruwar lamarin a matsayin abin bakin ciki da takaici,  ya yabawa al’ummar yankin bisa taka-tsantsan da suka yi har aka kama wadanda ake zargi da aikata laifuka.

Ya bukaci al’umma da su dau mallakar kayayyakin wutar lantarki da ke kusa da su amkar nasu kuma su kula da su kada bata gari su dinga yin brna.