An kama wani dan Najeriya da aka ki ba shi mafaka a Faransa saboda harin da aka kai kan jami'an tsaron kan iyaka wanda ya yi sanadin jikkata 'yan sanda biyu.
Lamarin ya faru ne a wurin shakatawa na Bahar Rum na Faransa da ke Port-la-Nouvelle a safiyar Laraba, 17 ga Nuwamba, 2022, a lokacin da ya kamata a yi bincike mai sauki a tashar jirgin kasa ta Narbonne.
Lokacin da ‘yan sanda suka tambaye shi ya ba da takardar shaidar sa, wanda ake zargin mai shekaru 24 ya ki bayar da takardu ya fara kai farmaki kan jami’an, a cewar jaridar Faransa L’Independent.
“Ya bayyana cewa wanda ake kara mai neman mafaka ne a Faransa. An ki masa takardun izinin Zama a Faransa, sakamakon haka ya daukaka kara,” in ji kungiyar Alliance Union of Aude a cikin wata sanarwa.
Jami'an 'yan sandan sun nemi mutumin ya bi su, amma ya ki Kuma ya fafata da su sosai.
Bayan an shafe mintuna da dama ana kokarin kama mutumin, daga karshe jami'an 'yan sandan sun kama shi.
Jami’an ‘yan sandan biyu, maza ne masu matsakaicin shekaru, sun samu kananan raunuka, inda daga bisani suka koka da ciwon gwiwa da kuma bayansu.
Likitan da ke halartar su ya ba da izinin hutu na kwanaki 15, kuma mai binciken likita na Sashin Shari'a na Likita zai yanke hukunci ranar Alhamis kan tsawon lokacin rashin aikinsu na wucin gadi.
A cewar rahotannin cikin gida, jami'an za su sami iyakacin motsi saboda raunukan da suka samu.