An rufe hanyar Kano zuwa Ɓaɓura daidai garin Kunya sakamakon rikicin manoma da makiyaya da ya ɓarke a yammacin yau Talata.
Bayanan da Freedom Radio ta samu sun nuna cewa kusan mako guda kenan ana ɗauki ba daɗi a tsakani.
Sai dai a yammacin yau Makiyaya sun kai mummunan hari a unguwar Kuka Bakwai da ke Kunya, inda suka hallaka mutum guda tare da jikkata da dama.
Yanzu haka an rufe hanyar.
Dagacin Kunya Musa Zangi II da Freedom Radio ta samu a asibiti ana shirin ɗaukar gawar wanda ya rasu, ya ce an hana shi magana a kai.