CP yayi Allah wadai da kona ‘yan fashin POS 2, ya tabbatar da daya cikin wadanda ake zargin korarren kurtun dan sanda ne

CP yayi Allah wadai da kona ‘yan fashin POS 2, ya tabbatar da daya cikin wadanda ake zargin korarren kurtun dan sanda ne


Kwamishinan ‘yan sandan jihar Enugu, CP Ahmed Ammani, ya yi Allah-wadai da gaba dayansa, matakin da wasu ’yan daba suka dauka da kuma kisan gillar da suka yi wa wasu da ake zargin ‘yan fashi ne.

 LIB  ta rahoto  cewa matasan sun kona mutane biyu bisa zargin yunkurin yin fashin ma'aikatan Point of Sale (POS).

Lamarin ya faru ne a unguwar Independence Layout dake kan titin Independence Avenue, wanda aka fi sani da Titin Bisala a ranar Laraba da yamma, 9 ga Nuwamba, 2022.

CP, a cikin wata sanarwa mai dauke da sa hannun mai magana da yawun rundunar, DSP Daniel Ndukwe, ya umurci hukumar leken asiri da binciken manyan laifuka na Yan sanda (SCIID) da ta gudanar da bincike na gaskiya domin sanin halin da lamarin ya faru da kuma wadanda ke da hannu a ciki.

CP ya bayyana a matsayin mara gaskiya kuma mara tushe, rahoton kafofin watsa labarai na bidiyo da ke nuna cewa an kashe wadanda aka kashe 'yan sanda ne da ke aiki a sashin 'yan sanda na New Haven na Rundunar.

“Sabanin rahoton, bayanan da ake da su sun nuna cewa an dade da korar daya daga cikinsu, mai suna Ogbobe Benjamin daga aikin ‘yan sandan Najeriya a matsayin kurtun dan sanda, saboda aikata laifin da bai dace ba, don haka ba za a taba ganinsa ko a ce masa dan sanda mai hidima kamar yadda aka yi ikirari ba,” sanarwar ta kara da cewa.

A halin da ake ciki, Kwamishinan ya sake nanata cewa, ko ma dai halin da ake ciki, daukar doka a hannu ta hanyar zartar da mumunan hukuncin kisa ga masu laifi ba tare da bin dokoki ba shi kansa aikata laifi me da saba wa dokokin kasa da ba su da tushe kwata-kwata. 

Previous Post Next Post

Latsa nan domin samun labaran mu ta WhatsApp kai tsaye https://chat.whatsapp.com/EcJXY08Ikrx63mQ7F6TJfL

Domin zama wakilin mu a garin ku LATSA NAN

Domin aiko rahotu/ korafi LATSA NAN

Domin samun labaran mu a Facebook LATSA NAN ka danna FOLLOW ko LIKE