An dakatar da yaro dan shekara 10 daga makaranta bisa zargin damke nonon malama

An dakatar da yaro dan shekara 10 daga makaranta bisa zargin damke nonon malama

An dakatar da wani yaro dan shekara 10 a makarantar Holly Hill da ke gundumar Volusia a jihar Florida ta Amurka bayan wata mai ba mata shawara a makarantarsa ​​ta tuhume shi da damke nononta a lokacin da suka rungume ta. Jaridar vanguard ta ruwaito.

Wata ma’aikaciyar makarantar a cikin rahoton ‘yan sanda ta yi iƙirarin cewa yaron “ya damƙe nononta na hagu ta hanyar da ba ta dace ba,” kuma ta “cire hannunsa da ƙarfi.”

A cewar NBC, yaron na iya fuskantar tuhuma kan laifin da ya faru a ranar 24 ga watan Oktoba a lokacin da ta ziyarci ajin hudu don tattauna wani abu amma yaron ya kai hannu ya rungume ta.

Duk da haka, dangin yaron - kakarta da mai kula da shi a shari'a sun karbi wasikar dakatarwar da lauyoyi suka kawo - wanda ya nuna dakatar da shi na kwanaki 10.

Kakar yaron ta musanta zargin tana mai cewa ma’aikatan makarantar mata ne suka rike hannunsa bisa ga bayanin yaron.

“Jikana ya ce tare da runguma, ta kama hannunsa ta rike hannunsa sama, kuma bai san ainihin dalilin da ya sa ta yi hakan ba.  Ya ce ta saki hannunsa ya koma ya zauna sannan ya fara magana da sauran dalibai,” inji kakar.

Kakar ta ce ba ta amince da hukuncin ba inda ta kara da cewa lamarin na iya zama hadari.

“Muna magana ne game da korar wani yaro dan shekara 10 daga makaranta saboda abin da ka iya zama hadari.  Babu wata shaida maganarta akan sa.  Yana da shekara 10 kacal, ”in ji ta.