Yadda Uwa ta tashi ta tarar da mijinta yana yiwa 'yarsu 'yar shekara 5 fyade da dare
Yan sanda na gudanar da bincike bayan wata mata ta zargi mijinta da yi wa ‘yarsu ‘yar shekara 5 fyade a daren Lahadi, 9 ga watan Oktoba.
A cewar Prem Balram daga sashin Reaction na Afirka ta Kudu, sun sami kiran taimako a daren Lahadi bayan karfe 10 na dare.
Ya ce mahaifiyar yarinyar mai shekaru 37, ta shaida wa jami’an Reaction Unit cewa ta kwanta a gado tare da tagwayenta ‘yan shekara 5, mace da namiji, lokacin da mijinta ya isa gida cikin maye.
“Ta shaida wa jami’an cewa lokacin da ta farka ta gano mijin nata yana yi wa diyarta fyade.
"Matar ta tilasta shi sauka kan yarinyar kuma ya fara kai mata hari, daga nan ya gudu daga gidan."
Balram ta ce matar ta yi kiraye-kirayen neman taimako amma ba ta samu taimako ba.
"Bayan haka ta kira wani malami daga makarantar 'yarta wanda ya tuntubi RUSA don neman taimako."
Ya ce an kai mahaifiyar da diyarta zuwa Tongaat SAPS inda suka sami damar bude karar.
Kakakin rundunar ‘yan sandan lardin Laftanar Kanal Nqobile Gwala ya tabbatar da faruwar lamarin.
Gwala ya ce: “An yi zargin cewa a ranar 9 ga Oktoba, 2022 da karfe 21:00, wani sanannen wanda ake zargi ya yi wa wata yarinya ‘yar shekara biyar fyade a gidanta da ke Tongaat.
"An bude shari'ar a ofishin 'yan sanda na Tongaat kuma an mayar da takardar zuwa Phoenix Family Violence, kare yara da laifukan jima'i don ci gaba da bincike."