NIS reshen jihar Kebbi ta kama Malamin Islamiyya da yara 21 kan hanyar fitar da su zuwa kasar Mauritaniya da Senegal
DAGA: AYODELE AJOGE, BIRNIN-KEBBI.
Hukumar shige da fice ta jihar Kebbi ta kama wani Malamin addinin Islama mai suna Hsseini Sulieman Idris dan asalin garin Bida ta jihar Neja, a hanyarsa ta zuwa kasar Mauritaniya da Senegal ta kan iyakar jihar Kebbi tare da yara 21.
Hukumar shige da fice ta kasa reshen karamar hukumar Arewa ta jihar Kebbi sun kama Malamin ne a tashar Kangiwa Border Post a lokacin da yake shirin fitar da yaran kasar waje da fasfo na bogi na kungiyar ECOWAS.
A lokacin da yake zantawa da manema labarai a ofishin hukumar NIS a Birnin Kebbi, Kwanturolan jihar Rabi Bashir Nuhu ta ce da aka yi masa tambayoyi, Malamin ya yi ikirarin cewa za a kai yaran ne kasar Senegal domin gudanar da Mauludi inda ya shirya kai su kasar Mauritaniya domin neman ilimin addinin Musulunci.
Nuhu ya bayyana cewa, ta hanyar binciken da suka gudanar, an gano cewa fasfo din kungiyar ECOWAS da Malamin ya ke fitar da yaran 21 da su daga kasar nan na bogi ne.
Ta bayyana cewa daga abin da ya shaida mana muna zargin Malamin yana safarar yaran ne daga Najeriya, inda ta kara da cewa wadanda abin ya shafa kananan yara ne musamman ‘yan mata biyu da ke cikin maza 19.
"Ko da yake Malamin, ya yi iƙirarin cewa yana ƙaura da yaran zuwa ƙasar Mauritaniya tare da amincewar iyayensu amma ba mu yarda da shi ba. Mun san ana safarar yaran". Ta ce.
Uwargida Nuhu ta ci gaba da cewa, “Wadanda abin ya shafa kananan yara ne kuma da yawansu har yanzu suna JSS a makarantunsu daban-daban da ke Bauchi, Kano da Benin, Jihar Edo, ta yaya aka yi ana fitar da su daga kasar zuwa wata kasa domin neman ilimin addinin Musulunci inda suka samu ilimi babu wani dangantaka". Ta tambaya.
"Ba ma adawa da mutanen da za su je wasu kasashe don neman ilimin addinin Musulunci amma dole ne su kasance suna da takardun da suka dace. Game da wadannan yaran duk fasfo din su na ECOWAS na bogi ne". Ta yi bayani.
Don haka ta yi gargadin cewa Hukumar Kula da Shige da Fice ta Kasa ba za ta amince da fitar da mutane daga kasar ba a karkashin duk wata rigar neman ilimi don safarar su, ta kuma gargadi iyaye da su daina barin ‘ya’yansu a kai su inda ba su da alaka da mutane.
A wata hira da manema labarai suka yi da Malamin ya yi ikirarin cewa yana tafiyar da yaran ne zuwa kasashen Senegal da Mauritania bisa amincewar iyayensu, inda ya kara da cewa wannan ba shi ne karon farko da ya kwashe yara zuwa kasashen Mauritaniya da Moroko da Senegal don neman ilimin addinin Musulunci ba, ni ba haka nake ba. da sanin cewa fasfo din ECOWAS da suka baiwa yaran na bogi ne.