Mahara sun kaddamar da harin rashin imani, kona gidaje 10 a kauyen jihar Kano - ISYAKU.COM

Mahara sun kaddamar da harin rashin imani, kona gidaje 10 a kauyen jihar Kano


Wasu mahara sun kai farmaki a unguwar Dan Jamfari dake kauyen Barbaji a karamar hukumar Rogo ta jihar Kano tare da kona gidaje 10.

Sakataren zartarwa na Hukumar Ba da Agajin Gaggawa ta Jihar Kano, Dakta Saleh Jili, ya bayyana a ranar Juma’a cewa hukumar ta jajantawa wadanda abin ya shafa tare da kai musu kayan agaji.

Ya ce gwamnatin jihar ba za ta bar wani abu ba don kamo wadanda suka kai harin domin gurfanar da su a gaban kuliya.

Kayayyakin agaji da aka baiwa wadanda abin ya shafa sun hada da buhunan rufi guda 10, buhunan siminti 20, fakiti 10 na kusoshi na zinc, buhunan shinkafa 10kg 20, masara 20 da gishiri buhu biyar.

Wadanda abin ya shafa sun kuma samu kayan sawa, kayan yanka, guga, man kayan lambu da kwali guda biyar na kayan yaji.

Jili ya jaddada kudirin gwamnatin jihar na kare rayuka da dukiyoyin ‘yan kasa sannan ya bukaci mazauna yankin da su zauna lafiya da juna.

Wani mazaunin garin, Malam Magaji Audu, ya ce maharan na dauke da sanduna na yankan katako.

,Qqq“Fiye da 200 daga cikinsu ne suka mamaye kauyen cikin dare suna bi gida-gida suna neman babur dinsu da suka ce an sace.

 “Maharani sun yi kokarin daba min wuka a gaban ‘yan uwana kuma na ki fitar da ‘ya’yana wadanda suka ce sun sace babur dinsu kamar yadda suka bukata,” inji shi.

Audu ya bayyana cewa washegari ne maharan suka dawo inda suka banka wa gidansa da wasu wuta yayin da ‘yan uwa suka tsere.

“Yan bindigar sun kwashe kayan abinci, kaji, turkey, kayan aikin noma tare da lalata gidaje 10 a kauyen,” in ji shi.

Hakimin Rogo, Alhaji Muhammad Maharazu, ya tabbatar da faruwar lamarin, ya kuma yabawa hukumar bayar da agajin gaggawa bisa irin wannan kayyakin na agaji.

Maharazu wanda ya samu wakilcin sakatarensa Alhaji Bashir Tsoho, ya ce Sarkin Karaye, Dakta Ibrahim Abubakar II, ya bayar da dukkan taimakon da ya kamata ga wadanda abin ya shafa, ya kuma kai rahoto ga gwamnatin jihar.

Previous Post Next Post

Latsa nan domin samun labaran mu ta WhatsApp kai tsaye https://chat.whatsapp.com/EcJXY08Ikrx63mQ7F6TJfL

Domin zama wakilin mu a garin ku LATSA NAN

Domin aiko rahotu/ korafi LATSA NAN

Domin samun labaran mu a Facebook LATSA NAN ka danna FOLLOW ko LIKE