Wani miji ya kashe matarsa sannan ya yi yunkurin kashe kansa a garin Suleja na jihar Neja. Shafin labarai na Isyaku News Online isyaku.com ya samo.
Rahotanni sun bayyana cewa Mista Adeniyi Jose mai shekaru 45 daga Akure na jihar Ondo ya shake mamatarsa mai suna Chioma Gloria Ibeh mai shekaru 39 daga jihar Imo bisa zargin rashin imani.
Lamarin ya faru ne a Suleja, jihar Neja a ranar Litinin, 8 ga watan Agusta, 2022.
Mista Jose ya yi amfani da igiya ya shake matarsa. Bayan ya kashe ta sai ya sha wani guba.
'Yar uwar matar, Brenda Ibeh ce ta gano gawar matar a sume, wadda ta ziyarci ma'auratan kuma ba ta samu amsa ba a lokacin da ta buga kofar gidan.
Ta leko ta taga din kitchen ta tarar da gawar kanwar tata da tabo, pillow a fuskarta, da igiya zagaye a jikinta.
Ta gayyaci 'yan sanda kuma da suka samu shiga gidan, sai suka tarar da Chioma ta mutu
An garzaya da Adeniyi Jose babban asibitin Suleja, inda aka ce yana karbar magani.
Wata majiya ta ce mijin mai kishi ne kuma yana yawan fada da matarsa idan ya yi zargin tana samun kulawar da bai kamata ba daga mazaje. An ruwaito shi baya son ganin ta suna magana ko tattaunawa da wani namiji.
Ma'auratan sun yi aure tun 2014 kuma suna da É—a tare.
A cewar ‘yar uwar marigayin, wannan ba shi ne karon farko da Adeniyi Jose ke yunkurin halaka matarsa ba.
Brenda ta ce Jose ba shi da aiki kuma 'yar uwarta ce mai ciyar da gidan.
Ta ce: "Ba shi da aikin yi yayin da kanwata ce ke ciyar da shi da kuma kula da yaronsu dan shekara 9. Kanwata tana aiki a sashin rajista na babban asibitin Suleja a jihar Neja."
Brenda ta kara da cewa: "Adeniyi ya fara yunkurin kashe kanwata ne a satin farko na watan Afrilu lokacin da kanwata ta dawo daga gyaran gidan mahaifinmu da ke kauyen, mahaifina yana tare da Road Safety kuma an yi amfani da kudin fanshonsa wajen gyara gidansa.
“Mun amince da cewa ta taka wannan rawar saboda ta kammala digiri ne, sai ya kira ta ya tayar mata da hankali har ta koma da gudu, da ta yi haka, a cikin dare ya kusa kashe ta da wukake mai kaifi da ya siya.