Da duminsa: FG ta saki hotuna ta bayyana sunayen 'yan ta'adda da suka tsere daga gidan yarin Kuje


An bayyana sunayen wasu daga cikin 'yan ta'addan da suka tsere daga gidan yarin Kuje a lokacin da 'yan ta'addar ISWAP suka kai hari.

'Yan ta'adda sun kai hari gidan yarin da ke babban birnin kasar a daren ranar Talata 5 ga watan Yuli.

Bashir Magaji, Ministan tsaro, ya ce maharan sun sako dukkan ‘yan ta’addan da ake tsare da su.

A ranar Juma’a, 8 ga watan Yuli ne hukumar kula da gyara hali ta Najeriya NCoS ta fitar da sunaye da hotunan wasu daga cikin wadanda suka tsere. 

Wanda suka hada da Abdulkareem Musa, Abdulkareem Adamu, Abubakar Abibu da Abubakar Yusuf.

Ana lissafta cikakkun sunaye da hotunan 'yan ta'addar a halin yanzu.

Fasa gidan yarin Kuje: Buhari ya mayar da martani

A halin da ake ciki, shugaban kasa Muhammadu Buhari ya nuna rashin jin dadinsa da tsarin leken asiri, sakamakon harin da ‘yan ta’adda suka kai a cibiyar tsaro ta Kuje.

Bayan duba wurin da aka kai harin a ranar Laraba, 6 ga watan Yuli, shugaban ya caccaki tsarin leken asiri a gidan yarin Kuje.

“Na ji takaici da tsarin leken asiri. Ta yaya ’yan ta’adda za su iya shiryawa, su mallaki makamai, su kai hari kan wani jami’an tsaro su yi nasara a kansu,” inji shi.

Harin gidan yarin Kuje: Sanata Ali Ndume ya ce Najeriya na cikin matsala, ya bayar da dalilai

A wani labarin kuma, Shugaban Kwamitin Majalisar Dattawa kan Sojoji, Ali Ndume ya bayyana cewa Najeriya na cikin matsala da matsalar rashin tsaro da ya dabaibaye gidan yari da wasu ‘yan kungiyar Boko Haram suka yi a gidan yari da ke Kuje Medium Cstodial Centre. Babban Birnin Tarayya.

Ndume, yayin da yake magana a wata hira da gidan talabijin na Channels a ranar Alhamis, 7 ga watan Yuli, ya ce shugabannin Najeriya sun gaza a babban burinsu na ‘yan kasa.

Ya kara da cewa harin da aka kai gidan yarin na Kuje ba zai yiwu cikin sauki ba idan har ginin yana da isassun makamai da ma’aikata. Ya kuma yi zargin cewa babu wani martani mai kyau daga jami’an tsaro da suka dace da jami’ansu game da lamarin, Ndume ya ce za a iya damke ‘yan ta’addan tare da kashe su.

Previous Post Next Post

Latsa nan ka shiga group namu na WhatsApp domin samun Labaran mu kai tsaye

https://chat.whatsapp.com/H5IqezEzbfJ3YScTo1dk59

Domin zama wakilinmu a garinku LATSA NAN

Korafi ko aiko labari LATSA NAN