Wata ‘yar Najeriya mai suna Sandra, ta kashe kanta a Gambia ta hanyar shan maganin kwari.
Kafar labarai na isyaku.com ya tattaro cewa lamarin ya faru ne a Bakoteh cikin karamar hukumar Kanifing da misalin karfe 10:00 na safiyar ranar Talata, 7 ga watan Yuni.
Har yanzu dai ba a iya tabbatar da lamarin da ya kai ta ga daukar matakin ba, amma a halin yanzu jami'an tsaro na gudanar da bincike kan lamarin.
Wata majiya da ke da masaniya kan lamarin ta tabbatar wa manema labarai faruwar lamarin, inda ta kara da cewa matar ta rasu ne a wata cibiyar lafiya da ke kusa.
"Na ji tana fama da tabin hankali, saurayin ya siya mata tikitin komawa Najeriya, lokacin da saurayin ya fita domin kammala shiriye shiruen tafiyarta zuwa Najeriya sai ta sha maganin kwari" Majiyar ta ce.
A halin da ake ciki kuma, mai shago, wanda ya sayar mata da maganin ga mamacin, ‘yan sanda sun kama shi.