Da duminsa: Kwastam a jihar Katsina sun kama mota makare da kudi fiye da Naira Miliyan 71 za a fita da su ta jamhuriyar Nijar cikin tsakiyar dare


Rundunar hana fasa kwabri na kasa reshen jihar Katsina Nigeria Customs Service (NCS) ta ce ta kama wata mota makare da Naira Miliyan saba'in da daya da dubu dari biyar da hamsin kudin Najeriya N71,350,000 wanda ake zaton na almundahana ne. Shafin isyaku.com ya samo.

Mukaddashin Kwanturolan na rundunar NCS reshen jihar Katsina, Dalhat Wada-Chedi, ya sanar wa manema labarai ranar Litinin 29 ga watan Nuwamba yayin da yake bayani kan nassarori da rundunarsa ta samu a jihar Katsina a watan Nuwamba 2021.

Ya ce an kama wasu mutane uku a kauyen Dan Isa wanda ke bakin iyaka da jamhuriyar Nijar cikin tsakiyar dare dauke da kudaden a cikin booth na mota kirar Toyota Corolla mai kalar toka a kan hanyar Jibia zuwa Katsina.

Ya ce sun bayar da ajiyar kudin a babban Bankin Najeriya reshen jihar Katsina domin a ajiye masu kudin daga bisani suka bayar da belin wadanda aka kama.

Ya ce sun sanar da babban Shelkwatar hana fasakwabri na kasa, kuma ana ci gaba da gudanar da bincike kan lamarin.

Previous Post Next Post

Facebook

Latsa nan ka shiga group namu na WhatsApp domin samun Labaran mu kai tsaye

https://chat.whatsapp.com/J8ryqryDtwR9yvxrOOBlJU

Domin zama wakilinmu a garinku LATSA NAN

Korafi ko aiko labari LATSA NAN