Kungiyar mawakan jam'iyar APC na jihar Kebbi, Kebbi state APC musicians forum, ta tsige shugabanta Bello Aljannare daga mukamin shugabancin kungiyar.
Hakan ya biyo bayan sa hannun Musa Suleiman Sakataren kungiyar a wata takarda da aka raba wa manema labarai, ya ce kungiyar ta tsige Bello Aljannare nan take bayan kammala wani zaman taron da manbobinta suka yi a garin Birnin kebbi ranar Juma'a 15 ga watan Oktoba.
Yunkurin mu na jin ta bakin Bello Aljannare ta wayar salula ya ci tura, domin dai bai amsa kiraye-kirayen da wakilinmu ya yi masa ba.