Wasu Yan bindiga sun sace Mallam Aminu Bobi, wani tsohon shugaban jam'iyar All Progressives Congress (APC) Zone ‘C’ a jihar Niger. Jaridar Legit ta ruwaito.
The Nation ta ruwaito cewa Yan bindigan sun sace Bobi ne ranar Asabar 7 ga watan Agusta da misalin karfe 5 na yamma lokacin da ya je duba wani aiki da ake yi a gonarsa da ke karamar hukumar Mariga a jihar Niger.
Wani ganau ya ce Yan bindigan su 18 kan babura 6 sun shiga gonar ne suka yi ta harbin mai uwa da wabi a iska kuma suka dauke shugaban na APC shi kadai suka bar sauran ma'aikatan da ke aiki a gonar.
A lokacin rubuta wannan rahotu, Kakakin hukumar yansandan jihar Niger DSP Abiodun Wasiu bai tabbatar da faruwar lamarin ba kafin yanzu.