Yan ta'adda sun kashe yansanda Mopol 2 jami'an NSCDC 2 da farar hula 2 lokacin wani harin bazata da suka kai kampanin PGP a kauyen Gora da ke Birnin Tudu a karamar hukumar Bakura a jihar Zamfara ranar Litinin 14 ga watan Yuni. HumAngle ta ruwaito.
Yan ta'addan sun farmaki kampanin PGP mallakin Yan kasar China wanda suke gudanar da aikinsu a Madatsan ruwa na Bakalori da ke karamar hukumar Maradun. Ganau ba jiyau ba ya gaya wa HumAngle cewa Yan ta'addan sun farmaki kampanin ne lokacin da jami'an tsaron suke cikin Sallar Magariba.
Kazalika Yan ta'addan sun banka wa mota kirar Hilux na jami'an tsaron wuta, suka kwashe bindigoginsu, daga bisani suka tafi.
An kashe wani Sajen na yansanda mai suna Zaharaddeen Sani, wanda ke aiki a ofishin yansanda na Talata Mafara, da wani farar hula mai suna Tanimun Muhammed, wanda dan garin Talata Mafara ne. Sai dai ba a sace kowa ba a lokacin farmakin.
Jami'an tsaron da aka kashe a farmakin sun hada da Ahmed Murtala, CTU Sgt Yusuf Usama, Sgt. Ibrahim Bello, Sgt. Zaharadden Yusuf, NSCDC Sani Abubakar da Direba Tanimu Muhammad.
An raunata jami'in NSCDC Sirajo Aliyu, kuma yana samun kulawan Likitoci a Federal Medical Centre (FMC) Gusau.
Sai dai har yanzu Shelkwatar yansandan jihar Zamfara bata fitar da bayani kan lamarin ba kawo yanzu.
https://chat.whatsapp.com/L2WpsKOTg5Q6ieoYKEWxeB
Domin aiko labari, shawara ko tuntubarmu
LATSA NAN
SHAFUKANMU NA SADA ZUMUNTA
Facebook.com/isyakulabari