Yunkurin Fasa Gidan Yari A Bauchi


Rahotanni daga jihar Bauchi da ke Arewacin Najeriya sun bayyana cewa an sami wata tarzoma a cikin babban gidan yarin Bauchi, wadda ta yi sanadiyyar raunata fursunoni 5 da jami’ai 2.

Kamfanin dillancin labarai na Najeriya – NAN, ya ruwaito mai Magana da yawun hukumar gidan yari a jihar Abubakar Adamu, yana cewa lamarin ya auku ne a jiya Juma’a, sakamakon wani jami’i da ya shiga da wasu kayayyaki ga fursunoni a haramce.

“An sami hatsaniya ne sakamakon halayyar wani jami’in hukumar gidajen yari, da ke shigar da wayyoyin salula da miyagun kwayoyi wa fursunoni da ke gidan yarin,” in ji Abubakar Adamu.

Yunkurin Fasa Gidan Yari A Bauchi

Yunkurin Fasa Gidan Yari A Bauchi

Ya ce fada ne ya soma tashi tsakanin fursunonin da aka shigarwa da kayayyakin a haramce, da kuma jami’an da ke kokarin hana aukuwar ayukan da suka saba ka’ida a gidan yarin.

Abubakar ya kara cewa “an yi sa’ar ganin jami’in dumu-dumu yana aikata wannan haramtaccen aikin aka kuma kama shi, abin da ke nan ya bakanta ran fursunonin da aka shigar wa da kayayyakin, suka ta da bore har suka fasa dakunan ajiye kayayyaki, suka kwashe shebura da digogi da sauransu.”

Yunkurin Fasa Gidan Yari A Bauchi

Yunkurin Fasa Gidan Yari A Bauchi

Daga nan ne fa fusatattun fursunonin suka soma rera wakoki da take, inda suka ci gaba da farfasa gine-gine da kayayyaki a cikin gidan yarin, lamarin da kuma ya tilastawa jami’an hukumar soma harbi a iska domin razanasu, wanda kuma yayi sanadiyyar fursunoni 5 da jami’ai 2 suka ji rauni, a cewar kamfanin dillancin labaran na NAN.

To sai dai Abubakar Adamu ya ce tuni da aka sami shawo kan matsalar, yayin da kuma dukkan fursunoni suka koma dakunansu.

Yunkurin Fasa Gidan Yari A Bauchi

Yunkurin Fasa Gidan Yari A Bauchi

Rahotanni sun bayyana cewa an tsaurara matakan tsaro tare kuma da takaita zirga-zirgar ababen hawa a kewayen gidan yarin, kana kuma aka sanya shingaye akan dukkan titunan da ke zuwa gidan yarin.


Rahotun VOA Hausa


Latsa nan ka shiga group din mu domin samun Labaran mu ta Whatsapp 
https://chat.whatsapp.com/Cw2uhGNZiIzGM88PV4gpOI

Domin aiko labari, shawara ko tuntubarmu 
LATSA NAN 

SHAFUKANMU NA SADA ZUMUNTA 

Facebook.com/isyakulabari 


إرسال تعليق

RUBUTA SHARHI KO RA'AYINKA KAN WANNAN LABARI

أحدث أقدم

Celebrity Gifts

Facebook

Latsa nan ka shiga group namu na WhatsApp domin samun labarai kai tsaye https://chat.whatsapp.com/EcJXY08Ikrx63mQ7F6TJfL

Domin zama wakilinmu garinku LATSA NAN

Korafi/ Shawara/ Tuntube mu LATSA NAN