Jinin Haila: Abubuwan da suka kamata ki sani kan al'ada da ɗaukar ciki


A wasu lokutan matsalar rashin haihuwa ga ma'aurata na samo asali ne daga rashin fahimta kan batutuwa daban-daban da suka shafi yanayin jikin mace, ciki har da ovulation, wato lokacin da ƙwan haihuwar mace ke ƙyanƙyashewa.

Galibi mutane sun san lokacin jinin haila wanda mace ke yi a kowane wata, sai dai kalilan ne kawai suka fahimci lokacin da ƙwan haihuwa ke ƙyanƙyashewa, wanda hakan na faruwa ne kwana 14 kafin zuwan jinin haila.

Ovulation shi ne fitar ƙyanƙyashewa.wai daga mahaifar mace zuwa wuyan mahaifa wanda ya ke ƙyanƙyashewa idan ya hadu da maniyin namiji a lokacin jima'i.

A cewar ƙwararru kan haihuwa, ovulation shi ne lokacin da mace ke ɗaukar ciki a lissafin lokacin ganin hailarta.

Dokta Joseph Akinde likitan haihuwa ne, kuma ya yi bayyanin cewa ''idan namiji da mace suka sadu kwana guda zuwa biyu kafin ovulation, mace za ta ɗau ciki.''

Kamar dai yadda kowace mace ke da lokacin ganin hailarta, haka zalika kowace mace na da lokacin da take fitar da ƙwan haihuwa.

Akinde ya yi bayanin cewa: ''Misali, idan kina ganin jinin haila bayan kowane kwana 26, sannan hailar na zuwar miki ranar 2 ga watan Agusta,(2020) ki sake ganin wata ranar 29 ga watan Agusta, to ranar fitar ƙwanki ko ovulation shi ne 15 ga watan Agusta.''

''Wasu mata na ganin jinin haila bayan kwana 26, wasu kuma 32.''

''Macen da ke ganin haila bayan kowane kwana 24, ƙwanta na fita a ranar ta 14, yayin da su kuma masu ganin haila bayan kwana 32, ƙwansu na fita a rana ta 18.''

Da fari, kowace mace ana haifarta da ƙwayaye miliyan daya zuwa miliyan biyu.

Idan ta kai lokacin balaga, ƙwan na fita a kowane wata a matsayin haila idan macen ba ta sadu da namiji ba.

line

Alamomin fitar ƙwai ko Ovulation

tsarin mahaifar mace

A cewar Dokta Akinde, kwararan likita a asibitin Living Spring da ke Legas, '' wasu mata na ganin digon jini, rikewar mara ko zugi na miniti 1 zuwa sa'o'i 24 amma dai baya wuce sa'a 24.''

Wata mata da ta bukaci a sakaya sunanta ta shaida cewa ''a lokacin fitar ƙwaimamana na kumbura da nauyi.''

Sai dai ba duk mata ke fuskantar abu iri guda a lokacin fitar ƙwai ko yanayin ya zo musu guda ba ko kuma lissafin lokacin fitar ƙwan ya zo daya.

line

Dabarun gane ko lissafin ovulation

Kathy Beaumont and her partner Chris decided fertility apps weren't for them

ASALIN HOTON,KATHY BEAUMONT

Bayanan hoto,

Ma'aurata da ke neman haihuwa na iya amfani da lokacin fitar kwai don cimma burinsu

Kamar yadda Dokta Akinde ya bayyana, akwai hanyoyi da dama na lissafa lokacin fitar ƙwai ko ovulation.

Sun haɗa da:

1. Riƙe lokacin zuwan jinin al'ada ko haila

  • A tanadi ɗan littafi ko kalandar rubuta lokacin zuwan al'ada
  • Duk lokacin da aka ga al'ada, a rubuta a kalanda
  • Rubutu lokacin zuwan al'ada na gaba a kalanda
  • Ki riƙe giɓin da kika samu tsakanin al'adarki ta farko zuwa al'adarki ta gaba
  • Ranakun fitar ƙwan mace akasari kwanaki 14 ne kafin zuwan al'adarta, ko ya yanayin al'adar ko lokacin zuwansa yake.

2. Yanayin ɗumin jiki a lokacin hutawa

A cewar Dokta Akinde, mace na iya amfani da na'urar auna zafin jiki ta thermometer a ƙarƙashin harshenta lokacin da ta farka daga barci kafin ta sauka daga gado.

''Yayin da take ɗaukar yanayin jikinta tana adanawa, za ta fahimci cewa wata rana ɗumin jikin zai sauka kadan kafin ya sake dagawa. Wannan shi ne lokacin ovulation.''

3. Amfani da abin gwaji

''kana iya gwaji da fitsari ko yawu domin duba lokacin fitar kwai.

Akwai abin gwaji da za a iya amfani da shi wajen lissafi a lokacin da mace ke tsintar kanta cikin sauyin ƙwayayenta ko fitar su. Wannan yanayi idan an gwada ana iya ganewa sa'o'i 12 zuwa 36 kafin ta saki ƙwai.

A cewar wani likitan mata, Olusegun Akeredolu, amfani da abin gwaji, ''kana iya gwada fitsari ko yawu domin duba lokacin fitar kwai.''

''Idan ka ga ya nuna layi biyu kamar yadda yake nunawa a lokacin gwajin ciki, hakan na nufin kina kan lokacinki,'' a cewar Dokta Akinde.

4. Fitar ruwa daga gaban mace

Daga lokacin al'adar farko zuwa na gaba, yanayin fitar ruwa a gaban mace ya kan bambanta.

A cewar wani shafi da ke bincike kan lafiya, MedicalNewsToday, al'adar mace na iya zuwa kwanaki 1 ko biyar kafin lokacinta.

Abin da ke fitowa daga gaban mace galibi jini ne.

Bayanan bidiyo,

Bidiyo: 'Ina jin kamar na kashe kaina idan ina haila'

Bayan kammala al'ada da kwana 5 zuwa 10, ba a samu fitar ruwan a gaban mace.

A lokacin fitar kwai (kwana na 14), ana samun karuwar jikewa da fitar ruwa mara kauri da kala.

Akinde ya nanata cewa, ''Idan ruwan da ke fita a gaba ya kasance mara kauri, ruwa-ruwa to ya kamata ki gane cewa lokacin ovulation ɗinki kenan.''

Bayan fitar ƙwai akasari daga rana ta 14 zuwa 22, gaban mace na ɗan bushewa. Fitar ruwan na kasancewa kaɗan amma daga baya yana ƙaruwa.

Haka zalika a wasu lokutan mace na fitar da ruwa kwana daya ko biyu kafin ganin jinin ala'adarta.

Sai dai kuma duk da waɗannan hujojji, cututtuka irinsu Maleriya da sanyi ko gajiya na tasiri ga fitar ƙwan mace, a cewar Dokta Akeredolu.

line

Dalilan da suka sa lissafa lokacin fitar ƙwai ke da muhimmanci

Bayan fitar kwai akasari daga rana ta 14 zuwa 22, gaban mace na dan bushewa.
Bayanan hoto,

Bayan fitar kwai akasari daga rana ta 14 zuwa 22, gaban mace na dan bushewa.

Rike lokacin fitar ƙwai ko ovulation na taimaka wa ma'aurata sannan lokacin daya dace da daukan ciki, don haka sai su tsara yadda saduwar su zata kasance a wadanan ranakun.

Dokta Akinde ya ce, ''Idan mijinki baya nan ko kuma kina auren mai mace sama da guda, akwai bukatar ki tsara yadda saduwa da miji zai zo daidai da wannan lokaci.''

Idan ba haka ba, ma'aurata da ke rayuwarsu su kadai, ma'ana babu kishiya suna iya sadauwa akalla sau uku a sati, da kuma tarar lokacin fitar ƙwai idan suna neman ciki, a cewarsa.

Hakan na kuma taimakawa da tsarin ƙayyade iyali kuma ma'auratan da ke gudun haihuwa suna iya ƙauracewa saduwa a lokacin da mace ke cikin wannan yanayin.

Sannan, lissafa ovulation na taimaka wa mace sanin lokacin zuwan al'adarta na gaba don haka tana iya shiryawa saboda gudun abin kunya kamar ɓallewar jini a cikin mutane

Rahotun BBC Hausa


Latsa nan ka shiga group din mu domin samun Labaran mu ta Whatsapp 
https://chat.whatsapp.com/IM8Uuxtia6qBsdKcEszx7s

Domin aiko labari, shawara ko tuntubarmu 
LATSA NAN 

SHAFUKANMU NA SADA ZUMUNTA 

Facebook.com/isyakulabari 


إرسال تعليق

RUBUTA SHARHI KO RA'AYINKA KAN WANNAN LABARI

أحدث أقدم

Celebrity Gifts

Facebook

Latsa nan ka shiga group namu na WhatsApp domin samun labarai kai tsaye https://chat.whatsapp.com/EcJXY08Ikrx63mQ7F6TJfL

Domin zama wakilinmu garinku LATSA NAN

Korafi/ Shawara/ Tuntube mu LATSA NAN