Sau da dama mutane kan yi mamaki idan suka ji cewa an yi hatsarin jirgin sama. Sai dai sukan manta cewa akwai ababe da dama da ke iya haddasa hadarin jirgin sama ko a sararin samaniya ko a kasa.
Wasu daga cikin dalilai da ke haddasa hatsarin jirgin sama sun hada da rashin tsara manhajar aikatau na jirgi da ake kira Flight Management Computer FMC, wanda ke dauke da tsaruka da dama ciki har da lissafin gudun injin jirgi, adadin mai da jirgi zai zuka da sauran nau'in aikatau.
Kazalika, wani dalili da ke haddasa hatsarin jirgin sama ya hada da samun matsalar injin jirgi yayin da jirgi ke tafiya a sararin samaniya, ko lokacin da jirgi ke kokarin tashi ko sauka.
Sai kuma dalilin matsalar rashin kyaun yanayi, wanda ke shafan yadda matuki ke sarrafa jirgin sama da nau'in aikatau na jirgi wanda ke cin karo da yanayi maras kyau, sakamakon haka akan iya samun aukuwan hatsarin.
DAGA ISYAKU.COM
https://chat.whatsapp.com/
Domin aiko labari, shawara ko tuntubarmu
LATSA NAN
SHAFUKANMU NA SADA ZUMUNTA
Facebook.com/isyakulabari