Wani magidanci mai tsananin kishi ya kashe matarsa kuma ya gundule kanta saboda ya ganta tana magana da makwabcinsa a kasar India.
Rahotanni sun ce Kinnar Yadav, mai shekara 40, ya dade yana zargin cewa matarshi mai suna Vimla, yar shekara 35 tana cin amanarshi.
Makwabtansa da ke garin Baberu a Banda da ke jihar Uttar Pradesh ne suka rada wa Kinnar Yaday cewa matarsa Vimla tana lalata da makwabcinsa Rakivant Yaday a gidansa da ke makwabta da nasu.
Bayanai sun nuna cewa ranar Juma'a 9 ga watan Oktoba, Kinnar ya dawo gida sai ya tarar da Vimla tana magana da Rakivant. Wanda bayanai suka ce yana tattaunawa da Vimla ne da take bashi shawara kan kalar Sa da yake son ya saya.
Sai dai ganinsu tare suna magana ke da wuya, Kinnar ya matukar fusata, ya dauko Adda ya raunata Rakivant, daga bisani ya kashe matarsa Vimla ya kuma sare kanta , sai ya dauki sararren kan ya kai caji ofis na yansanda.
Yansanda na ci gaba da gudanar da bincike bayan sun kama Kinnar.
https://chat.whatsapp.com/
Domin aiko labari, shawara ko tuntubarmu
LATSA NAN
SHAFUKANMU NA SADA ZUMUNTA
Facebook.com/isyakulabari
Domin samun sassauka, ingattacciya kuma kwakkwarar DATA ta MTN, latsa nan https://chat.whatsapp.com/