Wata gawa ta tashi awa 7 bayan mutuwarta, ma'aikacin mutuware ya tsorata

Wani abin mamakin ya faru bayan wata tsohuwa mai shekara 81 mai suna  Zinaida Kononova ta tashi awa 7 bayan Likita ya tabbatar da mutuwarta a Asibitin gundumar tsakiya ta Gorshechensky na kasar Rasha ranar 14 ga watan Agusta.

An tabbatar da mutuwar tsohuwar ne bayan tiyata  da aka yi mata domin daidaita matsalar cushewar hanji da karfe 1:10 na dare. Daga bisani aka kai gawarta dakin ajiye  gawa.

Amma bayan awa bakwai, da karfe 8am na safe, sai tsohuwar ta farfado daga mutuwa, lamari da ya tsoratar da ma'aikacin dakin gawa da aka ajiye tsohuwar.

Daga bisani an lullube tsohuwarb da bargo kuma aka kai ta dakin kulawa na gaggawa a Asibitin, lamari da ya sa nan take Likitoci suka taru a kanta.

Sai dai bayanai sun nuna cewa an dakatar da likitan da ya tabbatar da mutuwarta daga aiki har sai an kammala bincike kan lamarin.

DAGA ISYAKU.COM

Latsa nan ka shiga group din mu domin samun Labaran mu ta Whatsapp
https://chat.whatsapp.com/JKBP5KgalYg3iQRBQoFVAE

Domin aiko labari, shawara ko tuntubarmu
LATSA NAN

SHAFUKANMU NA SADA ZUMUNTA

Facebook.com/isyakulabari

Twitter.com/isyakulabari

Domin samun sassauka, ingattacciya kuma kwakkwarar DATA ta MTN, latsa nan https://chat.whatsapp.com/L4xvcwRGM496Eep5J53zXt