• Labaran yau


    Ko shan magani kullum na warkar da ciwon gwiwa, duba abin da ya kamata ka yi

    Ciwon gwiwa nau'in amosani gwiwa ciwo ne da ke faruwa musamman ga waɗanda shekarunsu suka miƙa sakamakon zaizayewar gurunguntsin gaɓar gwiwa. Masu wannan ciwo na fama da matsanancin ciwo, wahalar ayyukan yau da kullum da kuma nakasar gaɓar gwiwar idan ciwon ya ta'azzara.


    Sai dai, masu fama da irin wannan ciwon gwiwa kan ɗauki ɗabi'ar shan magungunan ciwon jiki/gaɓɓai kullum. Amma ciwon na ci gaba da dawowa duk lokacin da aikin maganin ya ƙare. 


    Har wa yau, irin waɗannan magunguna basu da tasirin warkar da zaizayewar gurunguntsin gwiwa face rage ciwon na wani ɗan lokaci. 


    Bugu da ƙari, shan magungunan ciwon jiki/gaɓɓai nau'in 'NSAIDs' tsawon lokaci na da haɗarin janyo ciwon gyanbon ciki(olsa) da kuma ciwon ƙoda.


    Saboda haka, shan magungunan rage ciwo ba zai magance nakasar gwiwar daga ƙarshe ba. Nakasar gaɓar gwiwa kuwa na iya tsugunar da mutum ko kuma tilasta yin tiyata domin a yi dashen gaɓar gwiwa matuƙar ana son ci gaban aikin gwiwar.


    Ɗaukan matakan gaggawa don shawo kan ciwon amosanin gwiwa zai taimaka wajen ceto gwiwar daga nakasa, wanda daga ƙarshe nakasar gwiwar za ta iya tilasta yin dashen gwiwa.


    Shan maganin kullum ko kuma tiyatar dashen gwiwa hanyoyi ne da za a iya kauce musu idan aka tintiɓi likitan fisiyo tun ciwon yana matakin farko.


    Guji yin fargar jaji game da lafiyarka/ki, tintiɓi likitan fisiyo a yau.


    Source: Physio Hausa


    Latsa nan ka shiga group din mu domin samun Labaran mu ta Whatsapp
    https://chat.whatsapp.com/JKBP5KgalYg3iQRBQoFVAE

    Domin aiko labari, shawara ko tuntubarmu
    LATSA NAN

    SHAFUKANMU NA SADA ZUMUNTA

    Facebook.com/isyakulabari


    Domin samun sassauka, ingattacciya kuma kwakkwarar DATA ta MTN, latsa nan https://chat.whatsapp.com/L4xvcwRGM496Eep5J53zXt

    • Facebook Comments
    Item Reviewed: Ko shan magani kullum na warkar da ciwon gwiwa, duba abin da ya kamata ka yi Rating: 5 Reviewed By: -
    Koma Sama