Dan fashi ya tona asirin safeton 'dansandan SARS da ya zama madugun 'yan fashi da makami

Allah ya tona asirin wani safeton 'dansanda bayan wani dan fashi da makami ya yi masa tonon siriri a ofishin 'yansanda sashen IRT da ke GRA Ikeja a birnin Lagos. Shi dai wannan dan fashi ya ce safeto Asom Ubi ne shugaban kungiyarsu ta fashi da makami, duk da cewa safeto Ubi jami'in 'dansanda ne na SARS da ya kamata su kama 'yan fashi da makami.

Wannan 'dan fashin ya shaida wa jami'an 'yan sanda na IRT cewa kungiyarsu ce karkashin jagorancin Safeto Ubi suka yi fashin wata motar kaya da aka kiyasta kudin kayan a kan Naira Miliyan 145 a birnin Lagos. Safeto Ubi ya jagoranci yan fashin suka tsayar da motar tare da yaron mota suka daure su suka saka su a cikin boot na wata mota , daga bisani suka kai su babbar hanyar Lagos zuwa Ibadan, sai suka yar da su a gefen hanya suka tafi.

New Telegraph ta ruwaito cewa safeto Ubi tare da 'yan kungiyarsa sun sayar da kayakin da motar ta dauko a kan Naira Miliyan 45, marmakin Naira Miliyan 145 a kasuwar Alaba, daga bisani kuma suka sayar da motar.

Rigima ya kaure ne bayan safeto Ubi ya ba dan fashin Naira 150.000, sakamakon haka dan fashin ya tunkari safeto Ubi, wanda ya ce masa wai ba'a gama sayar da kayakin ba. Amma bayan dan fashin ya tuntubi sauran 'yan kungiyarsu ta fshi da makami na mutum 7 karkashin jagorancin safeto Ubi, sai ya gano cewa ashe kason kudinsa a wannan harkalla Naira Miliyan 3 ne, amma safeto Ubi ya bashi Naira 150.000.

Bayan wannan dan fashin ya yi duk abin da zai iya yi domin safeto Ubi ya bashi ragowar kudinsa amma ya ki, sai ya nufi ofishin 'yansanda na IRT marmakin SARS inda safeto Ubi ke aiki, sai ya fasa kwai. Sakamakon haka, manyan jami'an 'yansanda karkashin jagorancin CSP Phillips na sashen IRT suka shiga bincike, har suka gano direba da yaron motar da aka karbe motar a hannunsu, kuma aka kama safeto Ubi wanda ya tabbatar da laifinsa yayin gudanar da bincike.


DAGA ISYAKU.COM
Latsa nan ka shiga group din mu domin samun Labaran mu ta Whatsapp
https://chat.whatsapp.com/JC5tMMqXxKR6qWjM98ZwLA

Latsa nan ka zabi masoyiyarka daga jerin 'yan mata da ke neman aure ko soyayya  

Duba kasuwanci da za ka sami ribar kaso 200 a rana daya kacal. LATSA NAN ka bincika 

Domin aiko labari, shawara ko tuntubarmu
LATSA NAN

SHAFUKANMU NA SADA ZUMUNTA

Facebook.com/isyakulabari

Twitter.com/isyakulabari
أحدث أقدم

Celebrity Gifts

Facebook

Latsa nan ka shiga group namu na WhatsApp domin samun labarai kai tsaye https://chat.whatsapp.com/EcJXY08Ikrx63mQ7F6TJfL

Domin zama wakilinmu garinku LATSA NAN

Korafi/ Shawara/ Tuntube mu LATSA NAN