Hanyoyi 6 da za ka bi domin kare kan ka daga cutar Korona

byIsyaku Garba -February 29, 2020

0

Abin da ya faro kamar cutar mura a birnin Wuhan na kasar China, ya kashe akalla mutum 2,859 a fadin Duniya, wanda kwayar cutar Korona biros (Corona virus) ya haddasa.

Ranar Juma'a 28 ga watan Fabrairu an sami rahotun matsala ta farko kan cutar a birnin Lagos.

Ministan Lafiya Osagie Ehanirem, ya fitar da wani tsari da mutum zai iya kare kansa da yardar Allah.

1. Ka wanke hannayen ka da sabulu a koda yaushe, watau lokaci-zuwa lokaci
2. Ka kasance akalla mita daya (1) ko kafa biyar (5 feets) daga duk wanda ka gan yana tari ko atishwa.

3. Wadanda suke atishwa, fama da mura, sai su zauna a gida domin kada su yi cudani da jama'a kafin su sami sauki.
4. Idan kana fama da tari ko atishawa, kada ka kwana daki daya tare da wadanda basu tari ko atishawa, kuma ya kamata ya kasance akwai isasheshen iska. Ka rufe bakinka da kyalle ko abin kare shakar iska idan kana fama da mura ko tari.
5. Ka kira wannan lamba domin karin bayani kan lamarin cutar Corona Virus, ko idan kana zargin cewa wani, ko kai ka kamu da cutar, sai ka kira NCDC a wannan lamba 0800-970000-10. domin karin bayani
6. Ka dinga sauraron labarai a Rediyo ko Talabijin, dasauran kafafen labari, domin sanin yanayi da ake ciki dangane da cutar COVID-19 (Korona)