• Labaran yau

    Mutum 28 yan gida daya sun mutu sakamakon wani hadarin mota a jihar Bauchi

    Legit Hausa

    Wasu mutane 28 yan gida daya sun mutu a sanadiyyar wani mummunan
    hadarin mota daya rutsa dasu a jahar Bauchi yayin da suke kan hanyarsu
    ta zuwa garin Yola na jahar Adamawa a ranar Alhamis, 12 ga watan
    Disamba.

    Jaridar Punch ta ruwaito hadarin da ya auku a kan babban hanyar Bauchi
    zuwa Ningi ya yi muni matuka inda ya kona mutanen 28 kurmus, sai dai
    gawayinsu kadai aka iya tattarowa.

    Da majiyar ta gana da wani dan uwan mamatan, kuma sakataren kungiyar
    yan jaridu reshen Arewa maso yamma, Abdullahi Yamadi ya tabbatar da
    aukuwar lamarin, inda ya bayyanashi a matsayin lamari mai matukar
    bakanta rai.

    "Da gaske ne lamarin ya faru, kuma dukkaninsu yan uwana ne, suna kan
    hanyarsu ta zuwa Yola a jahar Adamawa ne domin ziyarar yan uwa da
    abokan arziki a lokacin da hatsarin ya auku, ka san bayan an yi girbi
    mutane su kanyi amfani da wannan dama wajen tafiye tafiye.

    "Sun fito ne daga Dutsanma ta jahar Katsina, suka shiga Jigawa, sun
    shiga Bauchi kenan motarsu ta yi gaba da gaba da wata mota dake
    tahowa, su 29 ne a cikin motar, dukkaninsu sun mutu, banda direba."
    Inji shi.

    Sai dai har zuwa lokacin tattara wannan rahoto rundunar Yansandan
    jahar Bauchi bat ace uffan game da lamarin ba.

    A wani labarin kuma, shugaban kasa Muhammadu Buhari ya jajanta ma
    gwamnatin kasar Nijar, tare da bayyana alhininsa bisa kisan da wasu
    gungun yan ta'adda suka yi ma dakarun Sojojin kasar Nijar guda 63 a
    garin Inates dake iyaka da kasar Mali.

    Shugaba Buhari ya bayyana haka ne ta bakin mai magana da yawunsa,
    Malam Garba Shehu a ranar Laraba, 11 ga watan Disamba, inda yace yan
    ta'addan sun fito ne daga kasar Mali, suka Nijar inda suka kashe
    Sojoji 63, ba'a san inda 34 suka shiga ba.
    • Facebook Comments
    Item Reviewed: Mutum 28 yan gida daya sun mutu sakamakon wani hadarin mota a jihar Bauchi Rating: 5 Reviewed By: -
    Koma Sama
    .disablecopypaste { -webkit-user-select: none; Chrome/Safari/Opera/Opera mini -moz-user-select: none; Firefox -ms-user-select: none; Internet Explorer/Edge -webkit-touch-callout: none; iOS Safari} And in your html:

    This text can’t be copied (cannot be selected).

    // Deactivating distracting Text Selection: // from: http://stackoverflow.com/questions/1794220/how-to-disable-mobilesafari-auto-selection $.fn.extend({ disableSelection : function() { this.each(function() { this.onselectstart = function() { return false; }; this.unselectable = "on"; $(this).css('-moz-user-select', 'none'); $(this).css('-webkit-user-select', 'none'); }); } }); $(function() { $(this).disableSelection(); });